Barranin
Jiddisinja ħwejjeġ minn affarijiet riċiklabbli

L-iskart ta’ wieħed huwa t-teżor ta’ ieħor. Hekk jiddeskrivi l-karriera tiegħu Artur Brazhe, disinjatur tal-moda favur l-ambjent. Brazhe huwa minn Kursk u ilu jiddisinja ħwejjeġ minn affarijiet riċiklabbli għal dawn l-aħħar snin.

Kostumi u ħwejjeġ huma l-qofol tal-karriera tiegħu u dejjem jippreferi joħloq il-kreazzjonijiet tiegħu minn materjal riċiklabbli u li ma jagħmilx ħsara lill-ambjent.

Għalhekk, ħafna drabi jispiċċa juża materjal li jarmi ħaddieħor. Illum il-ġurnata, Brazhe jgħid li qatt ma jkollu nuqqas ta’ materjal tant ħafna nies qed iqisu iktar il-ħtieġa li jirriċiklaw l-affarijiet li jużaw u minflok jarmuwhom ituhomlu biex minnhom ikun jista’ jaħdem iktar ħwejjeġ u kostumi.

Brazhe huwa r-rebbieħ tal-kompetizzjoni tal-moda msejħa ‘Russian Silhouette’, immirata għal diżinjaturi ġodda. Huwa rebaħ il-kompetizzjoni bil-kollezzjonijiet ta’ kostumi magħmula mill-gazzetti.

Aħbarijiet Oħra
Barranin

Dimostranti tas-sdieri sofor inġabru fix-Champs-Elysees f’Pariġi għal ħames tmiem il-ġimgħa ta’ protesti. Eluf ta’ pulizija jinsabu lesti f’każ li l-protesti jsiru vjolenti bħal dawk ta’ qabilhom. Il-moviment beda ħames ġimgħat…

Barranin

L-attriċi Eliza Dushku rċeviet $9.5 miljun bħala kumpens talli tkeċċiet minn serje televiżiva wara li lmentat minn fastidju sesswali. CBS laħqet ftehim barra l-Qorti ma’ Dushku, u ħallsitha s-somma sħiħa…

Barranin

“Mhux spiss li nitħallew bla kliem.” Hekk qalu Pulizija mis-sezzjoni tat-traffiku fir-Renju Unit, li tellgħu dan ir-ritratt fuq il-midja soċjali. L-inċident seħħ ilbieraħ f’Linton, meta s-sewwieq ta’ din il-karozzja skiddja…

Barranin

Ir-raba’ vittma tal-isparaturi fis-suq tal-Milied fi Strasburgu ilbieraħ tilef il-ġlieda kontra l-mewt. Antonio Megalizzi, ġurnalist Taljan ta’ 29 sena, miet mill-ġrieħi li sofra f’rasu wara li Cherif Chekatt spara diversi…

Aktar