Saħħa
Jieħdu d-droga għall-pjaċir u jispiċċaw l-emerġenza

L-ispeċjalista dwar il-mediċina għall-emerġenza Dr Jeffrey Bonnici qal li mill-2016 ‘l hawn beda jiżdied l-ammont ta’ persuni li jidħlu l-Emerġenza fl-Isptar Mater Dei wara li jkunu ħadu d-droga biex jieħdu pjaċir, b’mod partikolari l-kokaina u l-kannabis sintetika.

Dr Bonnici, li qed iwettaq studju f’Malta dwar il-persuni li jieħdu droga għall-pjaċir u jispiċċaw l-Emerġenza bħala parti minn riċerka Ewropea, qal li bejn l-2010 u l-2015 l-ammont kien stabbli.  Intervistat f’TVAM, l-ispeċjalista qal li fl-2016 kien hemm qabża sostanzjali ta’ 218-il persuna li ħadu drogi biex jieħdu pjaċir u minflok spiċċaw l-Emerġenza, mentri fl-2017 l-ammont kien ta’ 369 persuna.

Sa Settembru ta’ din is-sena, Dr Bonnici qal li ċ-ċifra tas-sena l-oħra diġà ntlaħqet, bl-iktar perjodu meta jkun hemm żieda jkunu fix-xhur tas-Sajf, kif ukoll f’Mejju u Novembru.  Mill-istatistika li qed jiġbor Dr Bonnici jirriżulta li l-età medja tal-persuni li jidħlu l-isptar minħabba d-droga għall-pjaċir hija ta’ bejn 31 u 32 sena.

Tista’ terġa’ ssegwi TVAM tal-lum fuq TVMi – TVAM jixxandar mit-Tnejn sal-Ġimgħa fuq TVM u TVMi mis-7am sad-9am.

Aħbarijiet Oħra
Lokali

“Għajnu Aħmar it-Tonn” jew “It-Tonn tal-Melliħin” kienet l-għajta tas-sajjieda Melliħin li sal-bidu tas-sittinijiet kienu jbiegħu t-tonn li jaqbdu bit-Tunnara. Is-sajd bit-tunnara nqata’ iżda fil-mużew tat-Tunnara fil-bajja tal-Mellieħa, għaqda volontarja Melliħija ikkonservat…

Pulizija

Fl-aħħar xahrejn, l-uċuħ ta’ erba’ Pulizija saru familjari mal-komunità tal-Mellieħa. Ir-residenti laqgħuhom u jqisuhom “ta’ ġewwa”. Dawn l-erba’ uffiċċjali jiffurmaw l-ewwel Community Policing Team fi proġett pilota mniedi mill-Korp. Intervistat…

Malta

Fil-Greċja, hemm madwar 3,500 persuna b’konnessjonijiet Maltin, il-maġġoranza f’Korfu fejn jgħixu Griegi b’nisel Malti li saħansitra jwasslu sar-raba’ u l-ħames ġenerazzjoni. Waqt żjara fil-Greċja, il-President George Vella ltaqa’ ma’ rappreżentanti…

Kisbiet

Imwieled Malta u emigra lejn l-Awstralja 44 sena ilu wara li gradwa mill-Università ta’ Malta dak iż-żmien kienet magħrufa bħala The Royal University of Malta. F’intervista ma’ TVM, il-Professur Stephen…

Aktar