“Jien ma naħdimx” tirbaħ l-Għanja tal-Poplu

Ix-xogħol imprezzabbli li tagħmel il-mara tad-dar għall-ġid tas-soċjetà huwa t-tema tal-kanzunetta rebbieħa tat-38 edizzjoni tal-Festival l-Għanja tal-Poplu.

Il-kanzunetta intitolata b’mod sarkastiku ‘Jien ma naħdimx’ inkitbet minn Rita Pace u Mark Scicluna. Il-kantanta żagħżugħa Karen Debattista tat il-ħajja lil-lirika li għandha messaġġ, ferm attwali, biex is-soċjetà ma tibqax tħares lejn il-mara tad-dar bħallikieku qed taħrab mix-xogħol iżda tapprezza li l-mara tad-dar speċjalment meta qed trabbi l-ulied tkun għaddejja bix- xogħol 24 siegħa kuljum.

Ma’ tvm.com.mt Karen Debattista qalet li din hija l-ewwel darba li Karen kantant bħala solista fil-Festival l-Għanja tal-Poplu minkejja li diġà ħadet sehem f’żewġ festivals oħra, il-Malta Summer Hit Song u Konkors Kanzunetta Indipendenza b’kanzunetti oriġinali intitolati Memoirs u Riflessi.

Fl-2012, Karen kienet backing vocalist fil-kanzunetta ta’ Francesca Borg. Meta kienet aktar żgħira kienet parti  mill-kor fil-kunċert ta’ Joseph Calleja.

Karen bdiet tistudja l-pjanu minn età żgħira u tliet snin ilu bdiet tistudja l-kant fuq livell professjonali.

Fil-kanzunetta rebbieħa fil-Festival tal-Għanja tal-Poplu, Karen Debattista kienet akkumpanjata fuq il-pjanu minn Claudio Theuma Castelletti.

Għal din l-edizzjoni tal-Għanja tal-Poplu kien hemm 71 sottomissjoni li minnhom intgħażlu 16. Is-serata finali saret fit-Teatru Sir Temi Zammit fl-Università.

 

Aħbarijiet Oħra
Lokali

Il-Ministru għall-Intern, is-Sigurtà Nazzjonali u l-Infurzar tal-Liġi ħatar inkjesta skont il-liġi bil-għan li tistabilixxi l-fatti b’rabta ma’ każ fejn priġunier li ma ngħatax il-ħelsien mill-arrest, kien rilaxxat mill-ħabs u deher…

Lokali

Il-Maltapost qalet li l-ħidma tagħha għadha ma ġietx lura għan-normal riżultat fost l-oħrajn ta’ tnaqqis b’aktar min-nofs fit-titjirjiet kummerċjali, iż-żieda fix-xiri online u l-akkumulazzjoni ta’ posta f’tliet pajjiżi Ewropej. Il-Maltapost…

COVID-19

Tħassar ukoll il-kunċert ta’ Joseph Calleja li din is-sena kellu jsir fl-4 ta’ Settembru fuq il-Fosos tal-Furjana u li issa mistenni jsir f’format differenti. NnG Promotions, l-organizzaturi tal-kunċert li bħala…

Annimali

Ilbieraħ, il-BirdLife Malta ġabret għasfur pjuttost rari li huwa sottospeċi Mediterranja tal-Bies, li nstab ferut b’tiri ta’ senter fl-Għarb, Għawdex. Fi stqarrija, il-BirdLife qalet li l-għasfur instab minn familja li…

Aktar