Negozju
Jiftħu l-istabbilimenti tal-ikel: 250 ċċertifikati li huma konformi mal-miżuri

Hekk kif mil-lum Malta daħlet fit-tieni fażi tal-illaxkar tar-restrizzjonijiet, ħafna stabbilimenti tal-ikel u l-ħaddiema tagħhom irritornaw għax-xogħol f’xenarju differenti. L-istabbilimenti fetħu b’aktar restrizzjonijiet u miżuri ta’ prekawzjoni kontra l-COVID-19. Sal-lum wara nofsinhar, l-Awtorità tat-Turiżmu kienet iċċertifikat madwar 250 stabbilimenti għax instab li huma konformi mal-miżuri ġodda.

Fl-aħħar xahrejn ir-ristoranti kienu bħal rota, wieqfa u staġnata. Iżda mill-Ġimgħa filgħodu, is-sidien tal-istabbilimenti reġgħu fetħu l-bibien tagħhom f’kuntest differenti minn meta għalquhom f’nofs Marzu li għadda.

“It was a feeling li se nerġgħu niftħu l-ħwienet tagħna mill-bidu, kienet sfida għax kien hemm ħafna preparamenti warajha imma sodisfatti li wasalna għal dan il-proċess fejn il-ħwienet nistgħu nerġgħu niftħuhom kollha,” qalet Marylene Seychell, li tmexxi stabbilimenti tal-ikel.

“Immissjajti, ix-xogħol immisjajtu, ir-rutina dik li qomt dalgħodu ġejt għax-xogħol ftaħt is-section tiegħi,” qal il-kok Haydon Hatherly.

“Feeling sabiħ eċċitati li we are back in business u tara li għall-inqas ir-restaurants erġajna bdejna niċċaqilqu u tibda tara l-istaff jerġgħu lura għax-xogħol u issa nistennew l-ewwel nies,” qal Joe Vella li jmexxi stabbilimenti tal-ikel u l-ospitalità.

Fl-istabbilimenti li fetħu, l-parruċċani dehru fis-seba’ sema’ li qed jerġgħu jgawdu affarijiet li kienu mdorrijin bihom iżda li ma setgħux jagħmluhom l-aħħar għaxar ġimgħat.

“L-oġġett meta titilfu tkun taf xi tlift anke affarijiet fosthom li qegħdin hawn nieħdu kafe li ġejna hawn isma’ tlaqna nieħdu kafè iva mela, kafe sempliċiment kafe,” qal Joseph Fenech.

 

Minħabba li l-coronavirus għadu magħna, l-istabbilimenti fetħu b’ħafna aktar restrizzjonijiet minn qabel. L-Awtorità tat-Turiżmu sa issa ċċertfikat aktar minn 250 stabbiliment li nstab li huma konformi mal-protokolli u linji gwida ġodda fosthom iktar iġene u sinjali biex jiggwidaw lill-klijenti joqgħodu ‘l bogħod minn xulxin.

“Naqqasna seating capacity tagħna f’kull ħanut li għandna, menux u xi items kollox disposable,” qal Philip Galea li jmexxi stabbiliment tal-ikel.

“Inservu kollox bħal ħall, bżar, melħ, żejt, dawn l-affarijiet kollox in single use sachets, menus għandna single use imma għamilna wkoll QR code fejn klijent kif jidħol fir-ristorant jista’ jiscanja QR code u jiddownladja menu fuq il-mobile tiegħu biex dejjem innaqsu l-kuntatt,” qal Joe Vella.

Il-Ġimgħa waranofsinhar fl-ewwel opportunità li dawn ir-ristoranti u n-negozji kellhom biex jerġgħu jiftħu għan-negozju, osservajna li l-attività kienet pjuttost kwieta iżda kif qalulna huma stess, hija l-bidu ta’ rota u attività ekonomika ġdida, f’realta kompletament ġdida.

“Issa naraw minn hawnhekk ‘l quddiem u nippruvaw we make ends meet, it’s going to be hard but we’re determined to make it,” temm jgħid Joe Vella.

Aħbarijiet Oħra
Lokali

Il-Festival Nazzjonali tal-Ktieb organizzat mill-kunsill nazzjonali tal-ktieb se jsir online l-11 u l-15 ta’ Novembru minflok ma jsejjaħ in-nies f’dar il-Mediterran il-Belt Valletta. Dan minħabba s-sitwazzjoni tal-Covid-19 u l-pariri tal-Awtoritajiet…

Lokali

Melvin Theuma,  l-intermedjarju fil-qtil ta’ Daphne Caruana Galizia ġie rilaxxat mill-Isptar Mater Dei. Ġimagħtejn ilu huwa ddaħħal l-isptar wara li kien instab f’għadira f’demm b’feriti f’għonqu u fil-kustilji. Dan wara li…

Edukazzjoni

Bil-pjan tal-Gvern hu li f’Settembru jiftħu l-iskejjel, il-Ministru għall-Edukazzjoni Owen Bonnnici qal li għaddejjin taħdidiet biex it-tagħlim tat-tfal isir mis-sena skolastika li jmiss bil-miżuri meħtieġa kontra l-imxija tal-Covid. Dr Bonnici tkellem…

Saħħa

L-operazzjonijiet se jerġgħu jibdew min-nhar it-Tnejn li ġej iżda d-direttivi tal-Outpatients se jibqgħu fis-seħħ. Dan intqal mill-MAM fi stqarrija uffiċjali wara l-aġġornament tal-aħbarijiet li ta d-Deputat Mexxej, Dr Chris Fearne…

Aktar