Kurżitajiet
Kumpanija Spanjola taqla’ l-miljuni minn fuq il-mejtin

Fi Spanja, kumpanija li torganizza u tmexxi l-funerali tinsab taħt investigazzjoni wara li ġie allegat li tneħħi l-mejtin mit-twiebet oriġinali biex titfagħhom fi twiebet ta’ kwalità inferjuri.

Kumpanija tal-funerali f’Valladolid qed tiġi investigata b’qerq li tbigħ lill-familjari tal-mejtin twiebet għoljin biex imbagħad terġa’ tbigħhom lil ħaddieħor wara li titfa’ lill-mejtin fi twiebet inferjuri fil-kwalità.

Mas-16-il persuna, li kollha jiġu minn xulxin u li għandhom sehem fil-kumpanija, ġew arrestati.

L-investigazzjoni nfetħet fl-2017 meta tkellem lavrant tal-kumpanija. Il-kumpanija Grupo El Salvador, hija waħda mill-kumpaniji ewlenin tal-funerali fi Spanja.

Huwa maħsub ukoll li l-kumpanija kienet tmur tiġbor il-fjuri mixtrija biex terġa’ tbigħhom lil ħaddieħor. Għad mhux magħruf kemm il-kumpanija ilha tqarraq lin-nies iżda l-investigaturi jemmnu li l-kumpanija rnexxielha tiġġenera l-miljuni għaliex il-funerali ma jiġux b’xejn. Fi Spanja, funeral jaf jiswa bejn l-€2,500 u s-€6,500.

F’residenza ta’ wieħed mis-sidien tal-kumpanija, instabu mal-€1 miljun fi flus kontanti.

Aħbarijiet Oħra
Immigrazzjoni

Tkompli tiżviluppa l-kwistjoni tal-immigranti abbord il-vapur Open Arms. Fl-aħħar sigħat tniżżlu Lampedusa s-27 immigrant taħt l-età wara li l-Ministru tal-Intern Taljan Matteo Salvini ta l-approvazzjoni li dawn jiddaħħlu l-Italja. Iżjed…

Barranin

Uffiċjal tas-sigurtà f’ajruport fi New York tkeċċiet mix-xogħol wara li tat nota lil passiġġier li fiha kien hemm miktub “Int ikrah”. Il-każ li seħħ f’Ġunju fi Greater Rochester International Airport. Il-filmat,…

Barranin

Raġel li raqad fuq saqqu li jintefaħ sab ruħu għadd ta’ kilometri ‘l bogħod fl-Istrett ta’ Messina, il-fliegu ta’ bejn l-Italja u Sqallija. Wara tfittxija ta’ disa’ sigħat, ir-raġel minn Reggio…

Barranin

Tkompli għaddejja l-kontroversja dwar il-vapur taż-żejt Iranjan li kien ilu miżmum minn Ġibiltà minn Lulju minħabba suspetti li kien qed iġorr iż-żejt lejn is-Sirja. Il-vapur issa telaq minn Ġibiltà minkejja…

Aktar