Kurżitajiet
Jikteb ktieb fuq ħajtu bi mnieħru

Josh Barry, kittieb li għandu l-kundizzjoni tas-cerebral palsy qatta’ l-aħħar 9 snin jikteb ktieb fuq ħajtu bi mnieħru.

Minkejja l-limitazzjonijiet li jaffaċċja kuljum, Josh Barry ma jaqtax qalbu u permezz tat-teknoloġija huwa kiteb il-ktieb Adapted.

Bl-użu ta’ tablet huwa jagħfas l-ittri bi mnieħru u niseġ ħajtu. Huwa jiddeskrivi l-ktieb tiegħu bħala storja umana ta’ xi ħadd li jibqa’ għaddej b’ħajtu u bl-affarijiet tiegħu minkejja l-isfidi li jaffaċċja.

Qabel kien jikteb billi jitkellem u l-kompjuter jittraskrivi dak li jkun qed jgħid. Madankollu Josh sabha aktar innovattiva u kreattiva li jikteb huwa stess fuq it-tablet.

Huwa kiteb il-ktieb biex jgħin u jispira lil dawk in-nies li għandhom xi diżabilità. F’intervista mal-BBC huwa tkellem dwar l-esperjenza tiegħu meta joħroġ fit-triq. Qal li kemm-il darba esperjenza nies jibqgħu jħarsu lejh u anke jidħku bih. Qal li ma jridx li jħalli l-kundizzjoni taffettwa kif jiġi ttrattat min-nies. Stqarr li n-nies għandhom bżonn jirrillasaw ftit.

Josh jaħdem ġurnalist għal rasu u għandu sit dwar il-mużika u artisti. Permezz ta’ dan is-sit huwa intervista diversi ċelebritajiet fosthom Sir Ian Botham u Jeremy Kyle.

Aħbarijiet Oħra
Barranin

Mill-inqas 8 persuni ndarbu wara li pakkett suspettat b’bomba sploda fiċ-ċentru tal-belt Franċiża ta’ Lyon. Lyon hi t-tielet l-ikbar belt fi Franza. Il-Pulizija ssiġillaw ix-xena tal-inċident u bħalissa fuq il-post…

Unjoni Ewropea

Wara li lbieraħ bdew jivvutaw l-Ingliżi u l-Olandiżi, illum kien imiss lill-Irlandiżi u ċ-Ċeki biex joħorġu jivvutaw biex jaħtru d-deputati Ewroparlamentari. Fir-Repubblika Ċeka l-votazzjoni maqsuma fuq jumejn bil-għan li t-turnout…

Barranin

Is-sajf fl-Italja mistenni jkun ikkaratterizzat minn temp estrem, b’perjodu ta’ nixfa u xita qalila. L-esperti tat-temp fl-Italja ltaqgħu dan l-aħħar f’Ruma u qed ibassru li l-istaġun sajfi se jkun kemmxejn…

Barranin

Raġel fl-Istati Uniti ġie arrestat wara li mara rrapportat lill-Pulizija li kien għaddiha biż-żmien u ħadilha $80,000. L-arrestat huwa John Martin Hill ta’ 35 sena, bil-mara tgħid li kienet iltaqgħet…

Aktar