Lokali
Jiltaqgħu f’Malta biex itejbu l-ħidma ma’ tfal bi problemi

Rappreżentanti minn pajjiżi msieħba fl-għaqda internazzjonali mhux governattiva, International Social Service, jinsabu f’Malta għal konferenza ta’ jumejn biex jaqsmu l-esperjenzi u riċerki li saru bil-għan li jtejbu l-ħidma li s-social workers jagħmlu mat-tfal u l-familji bi problemi soċjali kumplessi.

Malta hi membru ta’ din l-għaqda permezz tal-Fondazzjoni għall-Ħarsien tas-Servizzi Soċjali. Dan l-aħħar iż-żewġ entitajiet ħadmu mill-qrib dwar kwistjonijiet li jitrattaw membri tal-istess familji, li iżda ma jgħixux fl-istess pajjiż.

Fl-ewwel jum ta’ konferenza internazzjonali dwar is-servizzi soċjali li ssir kull sentejn f’pajjiż membru tal-International Social Service, spikkat il-preżentazzjoni tat-terapista tal-familja Moira Doolan minn King’s College, f’Londra. Hi trattat l-għajnuna li għandha tingħata lill-familji li jkollhom pressjonijiet diversi, fosthom ekonomiċi, kwistjonijiet ta’ saħħa mentali jew relazzjonijiet diffiċli ma’ tal-familja.

Dr Doolan qalet li meta social worker tiltaqa’ ma’ familja ma tħarisx biss lejn il-familja, iżda tara wkoll kif l-affarijiet li qed iseħħu li jaffetwaw lil din il-familja, x’riżorsi għandha u kemm appoġġ tingħata minn organizazzjonijiet li rrikorriet għandhom għall-għajnuna. Qalet li ħafna drabi, kruċjali f’dan ikunu deċiżjonijiet politiċi li jkunu ħadu gvernijiet. Saħqet li għalhekk, meta wieħed jitkellem fuq bidla biex jagħti servizz aħjar, din il-bidla trid issir fuq kull livell.

“Thinking about families there is a different meaning in every level because the individual child may need help, the individual parent may need help, the parents may need help as parents, they may need help as a couple, and they may need help with other things in their life like substance abuse or mental health issues, so their is a whole range of issues we have to be thinking about and how we can help with all of those different issues,” qalet Dr Doolan.

Fil-ftuħ tal-konferenza, is-Segretarju Permanenti Ewlieni Mario Cutajar qal li f’Malta l-Gvern irid jagħti lill-ġenerazzjonijiet li jmiss soċjetà fejn dawk il-membri li jsibu diffikultà ukoll ikunu qed jagħmlu suċċess. Qal li r-riżultati tajbin miksuba minn Malta fil-qasam soċjali ġie rikonoxxut fir-rapport tal-Kummissjoni Ewropea dwar it-tnaqqis fil-faqar u l-esklużjoni soċjali.

Is-Sur Cutajar qal li minbarra l-benefiċċji soċjali mogħtija mill-gvern, il-Fondazzjoni għall-Ħarsien tas-Servizzi Soċjali permezz tal-aġenziji Appoġġ u Sedqa kompliet toffri aktar servizzi fejn jidħlu kwistjonijiet dwar il-familji.

Aħbarijiet Oħra
Kultura

Il-Maltapost u s-Soċjetà Maltija tal-Filatelija qed itellgħu l-fiera tal-kollezzjonisti tal-bolol magħrufa bħala Maltex. Il-fiera tat ukoll spazju lil kollezzjoni oħra biex juru d-damma ta’ oġġetti li qajla jiġu f’moħħok li…

Saħħa

Fil-gżejjer Maltin hawn mal-35,000 persuna li jingħataw kura minħabba problemi fit-taħdit fosthom 600 tifel u tifla. Dr Rita Micallef li tmexxi s-servizzi terapewtiċi fid-Dipartiment tas-Saħħa qalet lil TVM li fl-aħħar…

Kronaka

Raġel ta’ 49 sena mill-Mosta ttella’ mill-baħar mill-Forzi Armati wara li waqa’ għoli ta’ diversi metri minn fuq l-irdumijiet ta’ Ras id-Dawwara fl-akwati ta’ Għar id-Dwieb fl-Imtaħleb. TVM huwa infurmat…

Budget

Id-Deputat Prim Ministru u Ministru tas-Saħħa Chris Fearne qal li l-Budget għas-sena d-dieħla huwa mibni fuq tliet pilastri: il-ħolqien tal-ġid, inċentivi għal min jeħtieġ l-għajnuna biex jimxi ‘l quddiem u…

Aktar