Lokali
Jimmarkaw il-ħmieġ tal-klieb bil-bnadar tal-pajjiżi

Kulħadd jaf li ma tistax tħalli lill-kelb iħammeġ barra mingħajr ma tnaddaf warajh. Spiss iżda jkun hawn min jiġi jaqa’ u jqum, tant li tista’ tgħid li x-xeni tal-ħmieġ fit-triq jew fuq il-bankina huma komuni.

Trejqa fil-kampanja ta’ Wied il-Għajn li twassal lejn il-bajja magħrufa bħala l-Ponta tal-Munxar din il-ġimgħa wkoll kienet miżgħuda bil-ħmieġ, iżda din ix-xena kienet kemmxejn differenti mis-soltu.

Xi ħadd jidher li qagħad jieħu l-ħin biex iwaħħal bnadar ċkejkna tal-pajjiżi fil-ħmieġ tal-klieb. Xejn inqas minn sitt pajjiżi, inkluż il-bandiera tal-Unjoni Ewropea, kienu rrappreżentati. Bandiera ta’ Malta iżda ma dehritx.

Forsi min kien ħarqitu qalbu u pprova jiffranka lill-għajru milli jirfes f’dan il-ħmieġ waqt li jkun bil-karkur tal-baħar.

Jista’ jkun ukoll xi ħadd li għamel bih id-deni tat-Tazza tad-Dinja, inkella forsi kien hemm min xtaq iwassal l-opinjoni tiegħu dwar pajjiżi partikolari. Inti x’taħseb?

Aħbarijiet Oħra
Saħħa

Fir-residenza San Vincenz De Paule, beda x-xogħol fuq it-tieni fażi tal-kumpless Rużar Briffa li qed isir b’investiment ta’ disa’ miljun ewro. F’din il-fażi se jiġu rinnovati tliet iswali u l-foyer…

Stejjer Umani

Il-Kap Eżekuttiv ta’ San Vinċenz de Paul, Josianne Cutajar, qalet li wieħed minn kull għaxar anzjani fir-residenza ma jżurhom ħadd. Dr Cutajar qalet li s-soluzzjoni ma tinstabx fi żjara f’xi…

Festi

Dħalna sew issa fi żmien il-Milied. Fil-knejjes illum bdiet in-novena, il-postijiet tad-divertiment qed ikunu miżgħuda attivitajiet bejn il-ħbieb, u ċ-ċentri kummerċjali qed ikunu ppakkjati bin-nies jixtru ħwejjeġ għalihom u rigali….

Lokali

Tintemm uffiċjalment illejla s-sena li matulha l-belt kienet il-kapitali Ewropea tal-kultura bl-attività “L-Aħħar Festa” li tibqa’ sejra sa tard ħafna illejla. Valletta 2018 iżda se tibqa’ għaddejja permezz ta’ numru…

Aktar