Lokali
Jinfetaħ uffiċċju biex jintlaħqu żgħażagħ vulnerabbli

Fil-pjazza Antoine de Paule, f’Raħal il-Ġdid, infetaħ uffiċċju li l-mira tiegħu hi li jilħaq żgħażagħ vulnerabbli ta’ bejn it-tlettax u tmintax -il sena biex jingħataw l-għajnuna.

L-uffiċċju li qed jopera taħt il-Fondazzjoni għas-servizzi soċjali, bl-isem ta’ OK, Opportunity Knocks, se joffri servizz multi dixxiplinarju fosthom minn youth workers u social workers. Il-Kap Eżekuttiv tal-Fondazzjoni Alfred Grixti qal li dal-proġett fil-komunità jrid jagħti imbotattura liż-żgħażagħ biex jilħqu l-aspirazzjonijiet tagħhom, fosthom b’sussidji ta’ korsijiet edukattivi.

Alfred Grixti qal “issir evalwazzjoni tal-ħtiġijiet ta’ kull żagħżugħ. Jekk żagħżugħ irid isir driver ta’ van, irid liċenzja speċjali, u ma jkunux jistgħu jħallsulu, aħna nsibu min itih it-taħriġ u nħallsulu aħna.”

Il-Ministru għall-Familja Michael Falzon qal li dan is-servizz b’fondi mill-allokazzjoni finanzjarja lil Malta miż-żona ekonomika Ewropea magħmula min- Norveġja, Liechtenstein u l-Iżlanda se jtul għal sentejn u wara s-servizz jitkompla permezz ta’ fondi nazzjonali. Skont il-Ministru Falzon huwa stmat li hawn mal-elfejn żagħżugħ f’sitwazzjoni ta’ faqar u li għalhekk dan is-servizz qed jimmira li jservi ta’ prevenzjoni għaż-żgħażagħ biex ma jaqgħux lura.

Is-Segretarju Parlamentari għall-Fondi Ewropej Aaron Farrugia qal li dan il-proġett ġie magħżul wara negozjati twal mal-pajjiżi donaturi bil-għan li tkompli tintlaħaq il-mira ta’ Malta li tnaqqas il-faqar fost dawk l-iżjed żvantaġġjati.

Aħbarijiet Oħra
Sport

Wara s-suċċess tal-atleti Maltin tal-Olimpjadi Speċjali b’rebħ ta’ erbgħin midalja fil-logħob dinji ta’ Marzu li għadda, tissokta ħidmet il-fondazzjoni Marigold biex permezz ta’ din il-pjattaforma tagħti opportunitajiet sportivi lil atleti…

Forzi Armati

Fit-tislima mill-ogħla awtoritajiet lill-monument li jfakkar lil Malta Indipendenti fil-Floriana, dalgħodu spikka s-salut ta’ 21 tir minn kanuni tal-Forzi Armati. Din il-parti taċ-ċerimonja ġibdet l-interess ta’ grupp imdaqqas ta’ Maltin…

Kultura

Il-Main Guard, it-toroq u l-bjar taħt il-Belt u The Fortress Builders huma tliet siti li għaddew f’idejn Heritage Malta, l-aġenzija nazzjonali li tħares il-wirt storiku u kulturali tal-pajjiż. F’konferenza tal-aħbarijiet…

Politika

Malta, permezz tal-ambaxxatur għan-Nazzjonijiet Magħquda, Carmelo Inguanez, qiegħda tippresiedi wħud mis-sessjonijiet tal-74 sessjoni tal-Assemblea Generali tan-Nazzjonijiet Magħquda. Dan wara li għall-ewwel darba wara tmintax-il sena, Malta intgħażlet bħala wieħed mill-Viċi…

Aktar