Jinġabru €121,000 fil-maratona bir-roti

Is-somma li nġabret fl-edizzjoni ta’ din is-sena tal-maratona bir-rota li ssir fil-Kulleġġ ta’ San Ġorġ Preca fil-Ħamrun hija ta’ €120,950. Dawn il-flus se jkunu qegħdin jintużaw biex jinxtara tagħmir li jsalva l-ħajja ta’ dawk li tiqfilhom qalbhom għall-għarrieda. 

Il-Maratona bir-Rota kompliet laħqet il-qofol tagħha llejla fejn kompliet il-ħidma biex jinġabru flus għal xiri tal-automated external defibrillators fl-iskejjel Maltin u Għawdxin.

Is-Sinjura Michelle Muscat, mart il-Prim Ministru u ċerperson ta’ The Marigold Foundation, żaret il-Maratona fejn iltagħqet mal-istudenti li qed jieħdu sehem u mal-għalliema u l-voluntiera kollha. Is-Sinjura Muscat qalet li din il-maratona, li ssir kull sena hija eżempju ta’ kemm dan il-pajjiż għandu kuxjenza socjali. Hija fissret kif din l-maratona tiġbed lejha nies ta’ etajiet differenti u kif il-parteċipazzjoni tat-tfal, anke ta’ etajiet żgħar ħafna, turi is-sens ta’ altruiżmu tas-soċjetà Maltija kollha. F’isem The Marigold Foundation: Bov in the Community, is-Sinjura Muscat ippreżentat ċekk ta’ €1,000 għal din l-inizjattiva.

Min-naħa tiegħu, il-Ministru għall-Edukazzjoni Evarist Bartolo, feraħ illejla fuq il-profil tiegħu ta’ Facebook lil dawk kollha li fi kliemu ħadmu kemm felħu għal dan is-suċċess ta’ ġenerożità. Huwa sotna li din l-inizjattiva se tgħin biex dawk kollha li jiġu fl-iskejjel, minn studenti għall-għalliema, kif ukoll oħrajn li jiġu fl-iskejjel filgħaxijiet għal attivitajiet sportivi u oħrajn għall-programmi edukattivi tal-adulti, jkollom aċċess għal dan l-apparat jekk jinqala’ l-bżonn.

Aħbarijiet Oħra
COVID-19

Il-mediċina u l-ikel huma fost l-aktar prodotti essenzjali li mingħajrhom Malta ma tgħaddix fi żmien ta’ pandemija. Tliet xufiera Maltin li jaħdmu ma’ kumpanija lokali tal-loġistika rifsu Malta għall-ewwel darba…

Lokali

Fil-fehma tad-Dekan tal-Fakultà għat-Tisħiħ tas-Soċjetà, il-Professur Andrew Azzopardi, il-ġlieda kontra d-droga u l-kultura tal-flus huma kruċjali biex iż-żgħażagħ ma jaqbdux it-triq tal-kriminalità li studju juru li jekk jidħlu fiha minn…

Kronaka

Il-pulizija qed tfittex raġel li wara nofsinhar daħal jisraq minn dar ta’ anzjana f’San Ġiljan. Il-pulizija qalet li ġiet informata bis-serqa minn residenza fi Triq Ċensu Tabone li tinsab fiż-żona…

Infrastruttura

Dik li kienet il-Biċċerija l-Antika lejn in-naħa t’isfel tal-Belt, mix-xahar id-dieħel se tkun il-Valletta Design Cluster – proġett li ser ikun wirt ieħor li jibqa’ minn fost kullana ta’ inizjattivi…

Aktar