Lokali
Jinġabru fuq €920,000 biex tinfetaħ it-tieni Dar Bjorn

Il-ħolma ta’ Bjorn Formosa u martu Maria li jiftħu dar oħra għal min ibati mill-ALS u kundizzjonijiet oħra simili hija pass eqreb li seħħ, wara l-maratona ta’ ġbir fil-programm Xarabank tal-bieraħ.

Fi tmiem il-programm kienet inġabret is-somma ta’ €921,856, li għandha tmur biex tinfetaħ dar ikbar minn dik li qed tintuża bħalissa.

Dar Bjorn tilqa’ pazjenti li jbatu bl-ALS, l-MS, u kundizzjonijiet newroloġiċi oħra, iżda għad hemm nies li għadhom qed jistennew li jiġu milqugħa f’din id-dar għaliex bħalissa m’hemmx post għalihom.

Inatnt, aktar kmieni dan ix-xahar, Bjorn ingħata l-Premju taċ-Ċittadin Ewropew 2018 tal-ħidma tiegħu għall-komunità tal-ALS. Il-Membri tal-Parlament Ewropew Marlene Mizzi u Miriam Dalli nnominaw lil Bjorn għal dan il-premju, b’appoġġ ukoll mill-MEPs tal-PN.