Qorti
Jingħata l-libertà proviżorja r-raġel li kien ħataf ajruplan u sfurzah itir lejn Malta

Ingħata l-libertà proviżjorja ż-żagħżugħ Libjan kunsidrat li kien il-moħħ wara l-ħtif ta’ ajruplan li tniżżel Malta jumejn qabel il-Milied tal-2016.

Soko Moussa Shaha Ali ilu miżmum arrestat il-ħabs minn dakinhar.

Dwar il-każ kienu tressqu l-Qorti żewġ Libjani, mixlija fost oħrajn bi ħtif ta’ ajruplan, terroriżmu, pussess ta’ armi foloz, li użaw vjolenza fuq persuna li kienet abbord it-titjira, li żammew lin-nies abbord kontra r-rieda tagħhom u li għamlu tentattiv li joħolqu instabilità ekonomika jew finanzjarja għal gvern jew istituzzjoni internazzjonali.

Wara li rat ir-rikors ta’ Shaha Ali, il-Qorti tagħtu l-libertà proviżorja b’seba’ kundizzjonijiet fosthom garanzija personali ta’ ħamsin elf ewro u depożitu ta’ għoxrin elf ewro, ma jistax isiefer minn Malta mingħajr il-permess tal-Qorti u li fl-ebda ħin ma jista’ jitla’ fuq dgħajsa jew vapur.

Fid-digriet, l-Imħallef Consuelo Scerri Herrera rrakkomandat lil-leġiżlaturi biex ikun hemm emenda fil-liġi dwar l-għoti tal-ħelsien mill-arrest ta’ individwi li jitressqu l-Qorti akkużati b’reati ta’ terroriżmu. Qalet li f’dawn iċ-ċirkostanzi, il-Qorti għandha tingħata diskrezzjoni bil-għan li jinżamm bilanċ bejn id-drittijiet tal-akkużati u dawk tas-soċjetà.

Aħbarijiet Oħra
Temp

L-Uffiċċju Metereoloġiku fl-Ajruport Internazzjonali ta’ Malta qed iwissi dwar riħ qawwi. Ir-riħ mix-Xlokk Lvant ser ikun qawwi fuq l-inħawi fejn jaqbel tal-Gżejjer Maltin. Din it-twissija tibqa’ fis-seħħ sal-10pm u terġa tiġġedded…

Mużika

Malcolm Pisani nieda s-single ġdida bl-isem ‘RISE’, kanzunetta li hi ddedikata lill-Fondazzjoni Rise. B’din il-kanzunetta, Malcolm jixtieq iwassal messaġġ li jekk fil-ħajja tħossok imkisser u bla tama, m’għandekx taqta’ qalbek….

Qorti

Steven Jones ta’ 50 sena mir-Renju Unit tressaq il-Qorti akkużat li fit-23 ta’ Mejju għamel danni fuq il-proprjetà privata f’San Ġiljan waqt li kien fis-sakra. Huwa ammetta l-akkużi u ngħata…

Lokali

7 sigaħt ilu fetħu l-postijiet tal-votazzjoni tal-Parlament Ewropew u tal-Kunsilli Lokali. Matul dan il-ħin kienu diversi li marru jivvutaw fosthom il-President George Vella, il-Prim Ministru Joseph Muscat u l-Kap tal-Oppożizzjoni…

Aktar