Lokali
Jinġibed film bit-tama li jiswa bħala riklam għall-gżejjer Maltin

Fis-swali taċ-ċinema lokali beda jintwera l-film ‘Made in Malta’, it-tieni film li ġibed f’Malta, id-direttur Malti-Awstraljan, Julian Galea. Ħjiel tal-istorja romantika tal-film ambjentat f’Malta.

Wara s-suċċess li kiseb l-ewwel film tiegħu, Love to Paradise li ġibed f’Malta tliet snin ilu u li rebaħ l-unur tal-aqwa film fil-Malta International Film Festival, id-direttur Malti-Awstraljan, Julian Galea lesta t-tieni film tiegħu miġbud kollu f’art twelid il-ġenituri tiegħu.

‘Made in Malta’ jirrakkonta storja ta’ mħabba bejn produttur tal-films Amerikan Vincent u l-eks tfajla Spanjola, Annalisa. Minkejja d-dubji dwar l-intenzjonijiet tagħha, Vincent jaċċetta li jħalli fil-ġenb il-pressjonijiet dwar il-film li jkun qed jaħdem fuqu u jesplora lil Malta flimkien magħha.

Huma u jiskopru l-gżejjer Maltin jerġgħu jiskopru lilhom infushom flimkien iżda Annalisa għandha sigriet li meta joħroġ se jġiegħlhom jikkonfrontaw il-bqija ta’ ħajjithom.

Julian Galea, hu iben Maltin li fis-sittinijiet emigraw lejn l-Awstralja. Jgħid li l-ġenituri tiegħu dejjem jgħidu li Malta hi l-isbaħ pajjiż fid-dinja u li hu tahom raġun sa mill-ewwel darba li żar Malta ma’ missieru ħafna snin ilu.

B’xeni mill-isbaħ ta’ Malta fl-isfond tal-istorja ta’ mħabba bejn Vincent u Annalisa, Galea qed jittama li b’dan il-film jgħin jirreklama lil Malta bħala post ideali għall-ġbid ta’ films u bħala destinazzjoni turistika.

Aħbarijiet Oħra
Knisja Maltija

Tfaqqa kontroversja taħraq dwar il-kwadri fil-Knisja ta’ Ħal Kirkop. Dan wara li fil-festa ta’ San Ġużepp, ix-xahar li għadda l-Kappillan ħabbar li l-Kurja approvat li l-pittura tal-Madonna tad-Duluri li hemm…

Sport

Minn footballer professjonali għal DJ idur mad-dinja b’tours relatati mal-mużika. Dan mhu ħadd ħlief l-ex plejer internazzjonali Taljan, l-attakkant Christian Vieri. Huwa kien Malta għal ftit ħin fejn kien fost…

Kurżitajiet

F’Hollywood tħabbret il-mewt tal-attur u producer Peter Fonda fl-età ta’ 79 sena. Huwa miet wara battalja mal-kanċer. Fonda jibqa’ l-iktar magħruf għall-film li ħadem fih, kiteb u produċa fl-1969 –…

Edukazzjoni

L-Istitut għall-Istudji Turistiċi qal li wara kampanija li nieda żdied sew l-interess għal korsijiet full-time li joffri. L-ITS qal li kellu żieda ta’ iktar minn 50% fl-applikazzjonijiet meta mqabbel mas-sena…

Aktar