Lokali
Kumpanija Maltija b’film ta’ €1 miljun – mistenni jintwera fis-swieq barranin

Film lokali li qed jinġibed fl-istudios tal-produzzjoni tal-films fir-Rinella għandu budget ta’ aktar minn miljun ewro. Il-film mistenni jkun lest is-sena d-dieħla kemm għall-udjenzi f’Malta kif ukoll għal udjenzi barranin. Il-Ministru Konrad Mizzi qal li l-Gvern se jagħti inċentivi li jgħinu aktar produzzjonijiet lokali bħal din.

Head hu l-isem ta’ produzzjoni Maltija li qed tinħadem fl-istudios tar-Rinella. Il-feature film hu dwar baħri li jinqabad fuq dgħajsa f’żona maħkuma miċ-ċpar. Id-direttur u l-producer tal-film Winston Azzopardi qal li l-film mistenni jitlesta sa Ġunju u se jiswa aktar minn miljun ewro. Qal li l-kumpanija Latina Pictures qed issarraf l-esperjenza li kisbet bil-produzzjoni f’Malta ta’ films barranin biex tipproduċi dal-film.

Winston Azzopardi qal li “Latina Pictures ġeneralment nagħmlu films bħal Troy, World War Z, Assassins’ Creed, dak hu xogħolna bħala service providers, li nipproduċu l-parti li tinġibed Malta imma għidna issa wasal iż-żmien li nibdew nagħmlu l-produzzjonijiet tagħna għas-swieq internazzjonali.”

Il-produzzjoni bbenefikat minn għotja ta’ €120,000 mill-Kummissjoni għall-Films, flimkien ma’ għotja oħra bħala koproduzzjoni u se tkun tista’ tirkupra sa 32% tal-ispejjeż li tagħmel f’Malta. Waqt li żar xena fejn inħoloq ċpar artifiċjali f’tinda armata fit-tank tar-Rinella, il-Ministru għat-Turiżmu Konrad Mizzi qal li d-direzzjoni tal-Gvern hi li jgħin aktar fi produzzjonijiet lokali.

Il-Ministru Mizzi qal li “qed nagħmlu feasibility study u qed naraw liema tip ta’ finanzjament biex iseħħ, hux through financing lokali, b’bond issue, strategic partner jew modi oħrajn. La jkollna mudell stabbilit inkunu nistgħu nibqgħu niżviluppaw dawn il-facilitajiet. Il-ħsieb tagħna hu li l-film studios jibqgħu jimmaniġjaw dejjem l-outdoor facilities u t-tanks biex dawn ma jkunux marbutin ma’ studio wieħed imma jkunu miftuħin għall-użu ta’ kulħadd għax hu asset b’saħtu ħafna”.

Il-Kummissarju tal-Films, Englebert Grech, qal li hemm diversi produzzjonijiet li kkommettew irwieħhom li jużaw il-faċilitajiet f’Malta s-sena d-dieħla, fosthom għadd ta’ serje televiżivi.

Aħbarijiet Oħra
Knisja Maltija

Riċerka ppubblikata fl-aħħar jiem tixħet dawl dwar l-ewwel attentati għas-separazzjoni tal-poteri bejn Stat u Knisja f’Malta. Kien Nicolo’ Muscat – figura prominenti fl-amministrazzjoni tal-Ordni tal-Kavallieri – li f’nofs is-seklu 18…

Lokali

Ġimgħa wara d-delitt ta’ omm żagħżugħa f’Raħal Ġdid li allegatament inqatlet mis-sieħeb tagħha, bosta għaqdiet speċjalment tan-nisa komplew jitkellmu b’diversi stqarrijiet dwar dan il-femiċidju u l-problema tal-vjolenza domestika. Mill-banda l-oħra…

Annimali

L-Assoċjazzjoni Exotic Finch Malta qed tagħti opportunità oħra lill-pubblika japprezza l-ġmiel ta’ 500 għasfur li minkejja li l-oriġini tagħhom hija barranija tfaqqsu f’Malta wara ħafna studju u esperementazzjoni. Il-wirja li…

Lokali

Il-Malta National Electromobility Platform fi ħdan Transport Malta qed tikkordina diversi inizjattivi u attivitajiet marbuta mal-Ġimgħa Ewropea Tal-Mobbiltà. It-tema għal din is-sena hija “Multimodality – Mix and Move”. Din it-tema…

Aktar