Qorti
Jinħelsu mill-arrest wara li daħlu ġo villa abbandunata biex ifittxu kenn

Tliet irġiel mingħajr saqaf fuq rashom ingħataw il-libertà kkundizzjonata wara li ammettew li daħlu f’villa abbandunata f’Santa Venera biex ifittxu kenn waqt maltempata.

Il-każ, li kien ġie rrappurat bħala attentat ta’ serqa, żvolġa f’każ umanitarju meta t-tliet irġiel, Amerikan u żewġt aħwa mill-Ġorġja, ammettew li daħlu fid-dar abbandunata wara li skada ż-żmien li setgħu jagħmlu f’xelter soċjali.

L-Ispettur li mexxa l-prosekuzzjoni, Matthew Galea, spjega li minn investigazzjonijiet irriżulta li l-irġiel kienu qed ifittxu l-kenn fir-residenza abbandunata sakemm jieħdu l-paga.

Filwaqt li ammettew l-akkużi kontrihom, l-avukat tagħhom Charmaine Cherrett qalet li ma kellhomx ħsieb li jisirqu u kkawżaw ħsara li tammonta biss għal €5. Is-sid tal-villa ikkonferma li ma kellux l-intenzjoni li jmexxi bil-każ.

Il-Qorti ordnat li jingħataw il-libertà kundizzjonata għal sena u wissiethom biex ma jiksrux l-ordni tal-Qorti.

Ara wkoll:

Tlieta jinqabdu mill-Pulizija jisirqu minn villa f’Birkirkara

Aħbarijiet Oħra
Ambjent

Il-Wasteserv bdiet il-proċess biex tkabbar il-faċilitajiet tagħha fil-Magħtab. Madwar għoxrin bidwi fl-inħawi li bejniethom għandhom madwar 250,000 metru kwadru ta’ raba’ ġew infurmati li l-Wasteserv qed tikkunsidra li tespropja din…

Kronaka

Raġel ta’ nazzjonalità barranija ġie arrestat wara li allegatament saq fuq uffiċjal tal-pulizija. L-inċident seħħ għall-ħabta tas-17:30 fl-akkwati ta’ Buġibba u ġie arrestat ftit tal-ħin wara fil-Mellieħa. Aktar dettalji fil-ħin…

Lokali

Il-kumpanija Steward Health Care Malta ppreżentat lill-Awtorita tal-Ippjanar applikazzjoni ta’ żvilupp għall-Isptar San Luqa biex fi kliemha jerġa’ jingħata l-ħajja bħala sptar modern li jinkludi aċċessibiltà aħjar għall-ispazji miftuħin u…

Għawdex

Għadha attiva ħafna fuq l-aġenda tal-gvern l-idea li Malta jkollha sistema ta’ metro, tant li l-Ministru Ian Borg ikkonferma ma’ TVM li l-istudju dwar dan jinsab fl-aħħar fażi tiegħu u…

Aktar