Lokali
Inqabad bi 3.5kg droga meta niżel f’Malta mill-katamaran

Raġel ta’ 41 sena mir-Rabat, Malta, ġie arrestat il-lejl li għadda wara li nqabad bi 3.5 kg droga.

Il-Pulizija qalet li l-ħidma mill-Iskwadra ta’ Kontra d-Droga wasslet biex ir-raġel twaqqaf huwa u nieżel bil-vettura tiegħu minn fuq il-katamaran, li kien għadu kif wasal minn Sqallija.

Fi tfixxija li saret fil-vettura nstabu żewġ kilogrammi trab abjad suspettat kokaina, kilo sustanza suspettata kannabis, kif ukoll nofs kilo sustanza x’aktarx raża tal-kannabis.

Id-droga nstabet moħbija ġo qiegħ falz imwaħħal mac-chassis tal-istess vettura.

Il-Maġistrat tal-Għassa Josette Demicoli ġiet infurmata dwar din is-sejba u ħatret diversi esperti sabiex jassistuha fl-inkjesta li ġiet appuntata filwaqt li l-investigazzjonijiet tal-Pulizija għadhom għaddejjin.

Il-raġel mistenni jitressaq b’arrest il-Qorti għada.

Aħbarijiet Oħra
Lokali

Il-kumpanija MaltaPost, qed isarraf fil-prattika il-kuncett tal-inklużjoni u mxiet pass ‘il quddiem minn dak stipulat fil-liġi. Numru ta’ ħaddiema b’diżabiltà ġew impjegati mill-MaltaPost għaċ-ċentru tagħha fix-Xewkija filwaqt li Jobs Plus…

Lokali

Il-fondi Ewropej għall-wireless internet b’xejn huma l-aktar popolari f’seba’ pajjiżi fosthom f’Malta. Is-seba’ pajjiżi huma l-Belġju, il-Bulgarija, il-Kroazja, l-Italja, Malta is-Slovenja u r-Rumanija. L-iskema msejħa WiFi4EU attirat l-interess ta’ madwar…

Lokali

Il-Prim Ministru u Mexxej Laburista Joseph Muscat qal li japprezza l-konkorrenza kbira għall-mixja ta’ solidarjetà mal-Korp tal-Pulizija, u rrimarka li l-Korp tal-Pulizija u l-istituzzjonjiet iridu jiġu rrispettati dejjem u f’kull…

Aktar