Lokali
FILMAT: Jinqabad il-ġuvnott li tajjar Pulizija tat-traffiku f’Ħal Luqa

Is-sewwieq li tajjar Pulizija f’Ħal Luqa u baqa’ sejjer inqabad ftit tal-minuti wara fiż-żona Ta’ Kandja.

Jirriżulta li s-sewwieq huwa Liam Debono ta’ 17-il sena, li kien twaqqaf mill-Pulizija, allegatament biex tiġi ċċekkjata l-liċenzja.

Il-ġuvnott laqat lill-Pulizija qrib ir-roundabout tal-Lidl, bil-konsegwenza li l-Pulizija spiċċa fuq il-bonnet tal-karozza. Is-sewwieq jidher li baqa’ jsuq bil-Pulizija fuq il-karozza, sakemm waqa’ u ttajjar qrib id-daħla taż-żona industrijali.

Kien hawn li l-ġuvnott baqa sejjer imbagħad dar lejn ta’ Kandja. Qed jintqal li l-ġuvnott seta’ ħa l-karozza lil membru tal-familja tiegħu.

TVM infurmat li l-Pulizija sofra ġrieħi serji u jinsab fil-periklu tal-mewt.

Ara wkoll:

AĠĠORNAT: Pulizija jittajjar f’Ħal Luqa minn ġuvnott li baqa’ sejjer

Aħbarijiet Oħra
Politika

Il-President Marie-Louise Coleiro Preca żvelat li sena ilu, fl-eqqel tad-dibattitu dwar l-emendi għal-liġi tal-IVF, hija għenet biex id-Deputat Prim Ministru Chris Fearne jikkonvinċi ruħu bl-argumenti tas-soċjetà ċivili kontra l-introduzzjoni tat-tqala…

Parlament

Il-Prim Ministru Joseph Muscat qal illi f’taħditiet mal-esperti tal-Moneyval fi ħdan il-Kunsill tal-Ewropa jemmen illi l-Gvern jasal biex jagħti riżultat tajjeb lil Malta fejn tidħol il-ġlieda kontra l-ħasil tal-flus. Huwa…

Parlament

Il-Parlament approva mill-ewwel qari ħames abbozzi ta’ liġi li jirriformaw l-qasam tal-Ġustizzja. L-abbozzi tressqu kollha mill-Ministru għall-Ġustizzja, Kultura u Gvern Lokali Owen Bonnici u se jdaħħlu fis-seħħ proposti li saru…

Aktar