Barranin
Jinqabad wara li għadda nisa biż-żmien u ħadilhom flushom

Raġel fl-Istati Uniti ġie arrestat wara li mara rrapportat lill-Pulizija li kien għaddiha biż-żmien u ħadilha $80,000.

L-arrestat huwa John Martin Hill ta’ 35 sena, bil-mara tgħid li kienet iltaqgħet miegħu fuq sit elettroniku tad-dating. Qalilha li kien miljunarju, u wara ġimgħa pproponielha biex tiżżewġu.

Huwa webbilha wkoll biex tixtri dar miegħu, u wara li marru jaraw post li għoġobhom, hija tagħtu $80,000 bħalha sehemha biex mingħaliha jixtru d-dar. Iżda l-mument li kellu l-flus f’idejh, Hill sparixxa.

Il-mara marret mill-ewwel għand il-Pulizija, li meta bdew jinvestigaw sabu xibka ħafna ikbar. Hill kien jgħix ma’ mara oħra u wild, u fl-aħħar sentejn u nofs kien bidel ismu mal-ħames darbiet.

Meta l-Pulizija ħarġu l-mandat t’arrest għalih u xandruh fil-midja, nisa oħra bdew jersqu ‘l quddiem u jgħidu li anki huma kienu f’relazzjoni miegħu. Irriżulta li kien diġà qed jiġi mfittex fuq każijiet simili ta’ qerq f’Virgina, Delaware, Maryland u New Jersey.

Huwa ġie arrestat f’lukanda f’Tennessee, fejn malli nduna li l-Pulizija ġew għalih ipprova jaħrab u jistaħba taħt mejda.

Aħbarijiet Oħra
Barranin

Zippy miet eroj hekk kif irnexxielu jsalva lil familtu minn ħalq il-mewt. Il-familja Butler jgħixu f’Bradeton, fi Florida meta lejl minnhom, waqt li kienu rieqdin, tħeġġeġ in-nar fir-residenza tagħhom. Minkejja…

Barranin

Il-passiġġieri abbord titjira tad-Delta twerwru wara li l-ajruplan li kienu qed jivvjaġġaw fuqu qabad u niżel mad-9,000 metru ‘l isfel f’daqqa. It-titjira, li telqet minn Atalanta, esperjenzat dak li jissejjaħ…

Kurżitajiet

Kok f’ristorant fl-istat Amerikan ta’ Maine ammetta li qabel isajjar l-awwisti, ibellgħalhom il-Kannabis biex ma jsofrux wisq meta jsajjarhom. Id-deċiżjoni tal-kok waslet wara li skopra li anke l-awwisti jbatu u…

Kurżitajiet

Fir-riżerva naturali tal-Maasai Mara tfaċċat żebra rari….flok bi strixxi bojod u suwed….b’tikek bojod fuq sfond iswed.   Il-ferħ ta’ żebra skantat lil bosta bid-dehra tagħha u ngħatat l-isem ta’ Tira,…

Aktar