Immigrazzjoni
Jinsabu f’diffikulta mal-100 immigrant fosthom tifel mitluf minn sensih

Tirritorna l-emerġenza immigrazzjoni fil-Mediterran. Wara ż-żewġ nawfraġji li fihom hu maħsub li mietu mal-mija u sebgħin persuna, qed ikun rappurtat li mal-mitt immigrant jinsabu f’diffikultà ftit ‘il barra mill-kosta Libjana u l-attivisti ta’ Sea Watch għadhom qed jistennew risposta dwar fejn se jdaħħlu s-47 immigrant li salvaw ilbieraħ.

Qed ikun rappurtat li mal-100 immigrant fosthom 20 mara u tnax-il tifel u tifla abbord dgħajsa ‘l barra mill-kosta ta’ Misurata fil-Libja jinsabu f’diffikultà. L-għaqda mhux governattiva Alarm Phone, li toffri għajnuna lil persuni f’diffikultà bejn sema u ilma, qalet li dalgħodu ġiet mgħarrfa bil-mitt immigrant li jinsabu fi stat ta’ paniku u talbet għall-għajnuna tal-awtoritajiet. Żiedet li abbord hemm tifel li jinsab mitluf minn sensih jew mejjet.

Fi żvilupp ieħor, l-għaqda mhux governattiva Sea Watch, li lbieraħ salvat 47 persuna, li kienu f’diffikultà mal-50 mil ‘il barra mill-kosta Libjana, qalet li ħadd għadu ma’ ħa r-responsabilità biex jikkordina l-operazzjoni ta’ salvataġġ. Qalet li ġiet riferuta għand l-awtoritajiet Libjani, li mhumiex iwieġbu għat-telefonati tagħhom.

Sea Watch qalet li fost l-immigranti salvati hemm tmint itfal, li mhumiex akkumpanjati minn ġenituri.

L-aġenzija tar-refuġjati tan-Nazzjonijiet Magħquda qalet li fil-ġranet li għaddew mal-170 persuna tilfu ħajjithom f’żewġ każi separati fil-Mediterran. Il-Gwardja tal-Kosta Taljana qed tirrapporta li dgħajsa għerqet b’117-il persuna abbord waqt li l-awtoritajiet Marokkini u Spanjoli qed ifittxu għal dgħajsa oħra bl-immigranti li x’aktarx għerqet fil-Punent tal-Mediterran.

Waqt l-Angelus, il-Papa Franġisku stqarr li l-aħħar nawfraġji fil-Mediterran hu weġgħa kbira għalih.

Il-Viċi Prim Ministru u Ministru għall-Intern Taljan Matteo Salvini qal li l-portijiet Taljani kienu u se jibqgħu magħluqa.

Aħbarijiet Oħra
Lokali

Għandha 19-il sena u ma’ TVM irrakkuntat it-trawma kbira li għaddiet minnha minħabba dak li sejħet estremiżmu fit-twemmin ta’ komunità Nisranija. Amy Attard tirrakkonta kif minħabba hekk qed jitkissru għadd…

Riċerka

Il-lenti tal-kamera provdiet għodda lill-fotografi matul is-snin, biex bir-ritratti tagħhom iħallu xhieda tal-passaġġ tal-istorja. Il-fotografu professjonali Kevin Casha ġabar riċerka fuq kważi mitejn sena ta’ fotografija f’pubblikazzjoni li fiha ritratti…

Ippjanar u bini

Proġett li jekk ikun approvat mistenni jbiddel il-kunċett tat-trasport u l-presenza tal-vetturi fit-toroq. Studju dwar il-possibbiltà ta’ proġett ta’ Metro jew Monorail mistenni jkun ippublikat dalwaqt bil-Prim Ministru Robert Abela…

Politika

Id-19-il deputat tal-Grupp Parlamentari tal-Partit Nazzjonalista qalu li f’kull deċiżjoni li qed jieħdu qed jiżguraw li jpoġġu l-interessi tat-tesserati, tal-Partit kif ukoll tal-pajjiż fuq quddiem. Tkompli l-istennija għal direzzjoni mill-President…

Aktar