Lokali
Jinstab ibati fiż-Żejtun – kelb b’tiri ma’ ġismu kollu

Kelb kwiet iżda mbezza’ nstab fl-inħawi taż-Żejtun mill-voluntiera tal-AAA.

Il-voluntiera mill-ewwel indunaw li kien hemm xi ħaġa ma ddoqqx billi l-kelb beda iqawwas dahru, kien bla aptit u ma setax jagħmel il-bżonnijiet tiegħu.

Minn testijiet li sarulu, deher li l-kelb kien f’saħħtu iżda hu baqa’ jagħti lill-voluntiera x’jifhmu li kien muġugħ.

Il-veterinarju li ra lill-kelb iddeċieda jeħodlu x-ray li żvelat li kellu għadd ta’ ċomb f’ġismu, anke fix-xewka ta’ dahru.

Il-kelb għalissa qed jingħata l-mediċina biex tmewwitlu l-uġigħ.

L-Assoċjazzjoni kkundannat dan l-att u talbet lill-pubbliku juri ħniena u jagħti donazzjoni għall-fejqan tal-kelb li semmewh Johan.

Min għandu aktar informazzjoni, jew jixtieq jitkellem dwar dan l-att ta’ moħqrija, jista’ jagħmel kuntatt mal-Pulizija.

Min jixtieq jagħti donazzjoni biex jgħin lil Johan jista’ jibgħat sms fuq:
50617350 €2.33
50618060 €4.66
50618910 €6.99
50619200 €11.66
jew ċekk indirizzat lil AAA PO Box 24 Hamrun jew donazzjoni bil-paypal: paypal.me/aaamalta

Aħbarijiet Oħra
Infrastruttura

Wara d-dehra mill-isbaħ li ħadet il-funtana ta’ Tritoni bis-saħħa tar-restawr, persuni li fl-aħħar jiem ittawlu fil-funtana kienu ddiżappuntati meta nnutaw li l-qiegħ kien qed jittebba’ xi ftit. It-tebgħat jidhru donnhom…

Kultura

Il-kantanta Taljana Francesca Alotta tinsab Malta biex għada tkanta flimkien mal-istudenti tal-iskola Mater Boni Consilii Saint Joseph, Raħal Ġdid, f’kunċert b’risq l-Istrina. F’intervista ma’ TVM, Francesca Alotta tkellmet fuq esperjenzi…

Qorti

Żewg Egizzjani li kienu fi triqithom lejn pajjizhom bil-flus li tawhom kollegi taghhom biex jghadduhom lill-familji, spiċċaw fil-għali. Huma ġew akkużati li kienu qed iġorru flus iktar milli tippermetti l-liġi….

Kisbiet

Għandha 93 sena, u kienet fost l-ewwel nisa li servew bħala deputati fil-Parlament. Ann Agius Ferrante, li kienet bint l-ex avukat ġenerali Philip Pullicino, tirrakkonta mumenti ħelwin kemm mal-ex Prim…

Aktar