Barranin
Jinstabu 12-il tarbija mejta fi sptar imgeżwra f’kaxxi u boroż tal-plastik

Il-Gvernatur ta’ Nairobi ordna li ssir investigazzjoni wara li għamel żjara b’sorpriża fl-isptar tal-kapitali Kenjana u sab 12-il tarbija mejta f’kaxxi u boroż tal-plastik.

Il-Gvernatur Mike Sonko mar iżur għallgħarrieda l-Isptar tal-Maternità ta’ Pumwani wara rapporti li rċieva ta’ negliġenza u ta’ ħaddiema li kienu qed iġorru kadavri ta’ trabi minn kamra għall-oħra tal-isptar.

Sonko qal fi stqarrija li sab il-kadavri tat-trabi li mietu l-isptar misterjożament u l-iġsma bla ħajja kienu moħbija f’xi kaxxi u boroż tal-plastik f’kamra fl-istess sptar.

Għad mhux ċar x’qed iwassal għall-mewt tat-trabi jew x’inhu jiġri lil ommijiethom.  Jidher li hemm bosta uffiċċjali għolja tal-isptar sospiżi mix-xogħol frott tal-investigazzjoni li qed issir.

L-isptarijiet pubbliċi fil-Kenja għandhom storja sħiħa ta’ traskuraġni u nuqqasijiet oħra, b’ħafna ffullar u domanda kbira, kif ukoll nuqqas ta’ fondi.

Jidher li l-Isptar ta’ Pumwani m’għandux post fejn jaħżen il-kadavri u qabel jiġu trasferiti f’kamra mortwarja jitpoġġew f’kaxxi.

Aħbarijiet Oħra
Barranin

Dan hu l-mument fejn it-tarbija tat-twelid li ngħatat l-isem ta’ India nstabet f’basket tal-plastik f’Georgia l-Istati Uniti. Kienet il-bikja rqiqa tagħha li wasslet biex residenti fl-inħawi fejn intrema l-basket joħorġu…

Barranin

San Francisco sar l-ewwel pajjiż fl-Istati Uniti li pprojbixxa l-bejgħ tal-e-cigarettes. Dan sakemm ikun ċar x’effett għandhom fuq is-saħħa. Nhar it-Tlieta li għadda ġie vvotat biex ikun illegali li bejjiegħa…

Teknoloġija

Għall-ewwel darba, il-kumpanija tal-Facebook qablet li tagħti informazzjoni ta’ utenti Franċiżi li huma suspettati li jiktbu kliem ta’ mibegħda lill-Qorti meta tkun mitluba. Sal-lum il-ġurnata, Facebook ikoopera mal-Qrati Franċiżi fuq…

Barranin

It-taħditiet dwar il-kummerċ li se jsiru bejn il-President Amerikan Donald Trump u l-President Ċiniż Xi Jinping mistennija jiddominaw is-summit tal-G20 f’Osaka l-Ġappun meta ż-żewġ mexxejja se jiltaqgħu fl-aħħar jum tas-summit…

Aktar