Droga
Jinstabu 130 kilo droga waqt rejd fiż-Żejtun

Wara ġimgħat ta’ osservazzjoni, l-Iskwadra tal-Pulizija ta’ Kontra d-Droga arrestat żewġ Maltin wara li sabet li kellhom 130 kilo droga kannabis. Id-droga kienet lesta biex tiġi ttraffikata.

Id-droga nstabet f’garaxx fi Triq Alfredo Cachia Zammit, fiż-Żejtun. Iż-żewġt irġiel joqogħdu Bormla u għandhom ta’ 22 u 34 sena.

Huwa mistennija jitressqu l-Qorti u jkunu akkużati bil-pussess aggravat ta’ droga kannabis, fost akkużi oħra.

Dwar dan il-każ infetħet inkjesta maġisterjali mill-Maġistrat tal-Għassa Natasha Galea Sciberras. L-investigazzjonijiet tal-Pulizija għadhom għaddejjin.