Lokali
Jintbagħat il-ħabs wara ġlieda b’sikkina

Duale Abokor Mustafa ta’ 37 sena mis-Somalja li joqgħod ix-Xewkija (Għawdex) weħel sentejn ħabs wara li nstab ħati li darab gravi b’daqqiet ta’ sikkina lil żewġt irġiel Somali oħra.  Huwa nstab ħati wkoll li kien qed iġorr sikkina mingħajr permess u li hedded lil Nurdin Farah Saad.

Mustafa ma nstabx ħati tal-attentat ta’ qtil ta’ Saad u ta’ Jimale Sulub Ismail, iżda l-Qorti t’Għawdex, ippreseduta mill-Maġistrat Joe Mifsud, ordnatlu biex ma jersaqx lejn iż-żewġt irġiel l-oħra li darab għal perjodu ta’ sentejn biex tipproteġihom.

Meta kienet qed tingħata s-sentenza, il-Qorti nnuttat li l-parti l-kbira tal-barranin li jgħixu f’dan il-pajjiż huma paċifiċi u josservaw il-liġi, iżda wriet tħassib dwar iż-żieda fin-numru tar-reati minn gruppi żgħar ta’ barranin.

Fil-Qorti ħareġ li l-persuni nvoluti fil-ġlieda kellhom riħa qawwija ta’ xorb, tant li anke l-akkużat innifsu kien qal li tant kien xurban li lanqas biss jiftakar x’kien ġara dakinhar tal-ġlieda li seħħet fl-14 t’Ottubru tal-2015 fi Pjazza San Ġwann Battista x-Xewkija.

Il-Maġistrat Mifsud estenda b’sena s-sentenza sospiża li kellu Mustafa meta 4 snin ilu kien ammetta li kisser karozza u nstab xurban f’post pubbliku.

Ara wkoll:

FILMAT: żewġ Somali fil-periklu tal-mewt wara ġlieda bejn grupp ta’ rġiel f’Għawdex

Aħbarijiet Oħra
Stejjer Umani

Tfajla ta’ 24 sena bil-kundizzjoni Bi-Polar qalet li minn ħajja solitarja u dipressiva, illum qed tgħix ħajja feliċi grazzi għal mara li qed tiddedika ħajjitha għal żgħażagħ b’diżabiltà. Fiona Ellul…

Lokali

Fis-sajf li ġej, grupp ta’ ċiklisti mil-LifeCycle ser jaqdfu elfejn kilometru fi tliet pajjiżi fl-Ażja biex ikomplu jinġabru fondi għar-riċerka fuq il-mard tal-kliewi u biex tkun iffinanzjata għajnuna psikoloġika għall-pazjenti…

Kultura

Fil-Mużew Marittimu fil-Birgu se jkun hemm esebizzjoni li tiċċelebra l-legat tal-esploratur marittimu, Jacques Cousteau, u l-konnessjoni tiegħu ma’ Malta permezz tal-vapur ‘Calypso’, li wara li baħħar bi vjaġġi bejn Malta…

Sport

Kumpanija Maltija li bbenefikat mill-programm nazzjonali ta’ Riċerka u Innovazzjoni, Fusion, bdiet tipproduċi sistemi ta’ dawl LED biex jintużaw f’kumplessi sportivi. F’kollaborazzjoni ma’ SportMalta, il-kumpanija Altern bdiet tinstalla sistema ta’…

Aktar