Kronaka
AĠĠORNAT (2): Jittella’ katavru ta’ ġuvni mill-baħar fix-Xemxija – kien qiegħed jogħdos bin-nifs

Illejla katavru ta’ ġuvni Malti ttella’ mill-baħar fix-Xemxija, wara li ntlemaħ iktar kmieni f’qiegħ il-baħar.

Il-Pulizija qalet li kien waslilha rapport dwar katavru fl-inħawi tal-Veċċa għall-ħabta tal-5.15pm.

Il-katavru, li TVM infurmat li huwa ta’ Rabti ta’ 24 sena, ittella’ mill-baħar b’ħidma konġunta bejn il-Pulizija u l-Protezzjoni Ċivili. Huwa kien qiegħed jgħodos bin-nifs meta għal xi raġuni sab ruħu f’diffikultà.

Fil-każ infetħet inkjesta mmexxija mill-Maġistrat Yana Micallef Stafrace. L-investigazzjonijiet tal-Pulizija għadhom għaddejjin.

Ara wkoll:

Simon Psaila huwa l-ġuvni li għereq fix-Xemxija

Aħbarijiet Oħra
Lokali

Fi tmiem laqgħa li damet għaddejja aktar minn ħames siegħat, il-Kap tal-Partit Nazzjonalista Adrian Delia qal lill-ġurnalisti barra id-Dar Ċentrali li l-laqgħa tal-grupp parlamentari kienet waħda kostruttiva u li fiha…

Kronaka

Tilef ħajtu fl-Isptar Mater Dei, il-ħaddiem żagħżugħ ta’ 23 sena mill-Mali, li l-Ħamis tal-ġimgħa l-oħra waqa’ għoli ta’ madwar 4 sulari fil-bini tal-iskola l-ġdida tal-Qawra. L-inċident seħħ meta nqasmet tavluna…

Lokali

Il-Kap tal-Partit Nazzjonalista Adrian Delia deher dieħel id-Dar Ċentrali għal-laqgħa kruċjali tal-Grupp Parlamentari Nazzjonalista. Huwa kien milqugħ minn xi partitarji Nazzjonalisti. Mistoqsi minn TVM, Adrian Delia qal li mhux se…

Aktar