Qorti
Jinżamm arrestat fuq serq ta’ għodda minn vettura f’San Pawl il-Baħar

Raġel ma ngħatax il-ħelsien mill-arrest wara li llum waranofsinhar tressaq il-Qorti akkużat b’serq aggravat.

Sandro Lo Presti, Taljan ta’ 44 sena li jgħix f’Malta, kien akkużat li fil-lejl ta’ bejn it-8 u d-9 t’Awwissu seraq għodda tal-kostruzzjoni minn vettura pparkjata fi Triq is-Sajjied, San Pawl il-Baħar.

Lo Presti, li kien assistit mill-avukat tal-għajnuna legali Christian Chircop, ċaħad l-akkużi u talab il-ħelsien mill-arrest abbażi tal-fatt li għandu post fiss fejn jgħix u li ilu ħafna f’Malta.

Iżda l-prosekuzzjoni, immexxija mill-Ispettur Josef Gauci, oġġezzjonat għal din it-talba għax sostniet li l-akkużat diġà nstab ħati darb’ oħra fuq akkużi ta’ serq u li kiser il-kundizzjonijiet tal-libertà proviżorja.

Il-prosekuzzjoni żiedet tgħid li Lo Presti huwa maħkum mill-vizzju tal-eroina u qed jisraq biex ikun jista’ jibqa’ jixtri d-droga.

Il-Qorti, ippreseduta mill-Maġistrat Doreen Clarke, ordnat li l-akkużat jintbagħat fil-Faċilità Korrettiva ta’ Kordin u jibqa’ jinżamm arrestat.

Aħbarijiet Oħra
Politika

Is-Sindku tal-Belt Valletta, Alfred Zammit, appella għall-għaqda nazzjonali u s-sens komun, fl-isfond ta’ protesti regolari. Fi stqarrija maħruġa flimkien mal-kunsilliera Laburisti, is-Sindku qal li l-komunità residenzjali fil-Belt qed tbati l-konsegwenzi,…

Politika

F’nofsinhar għalqu n-nomini għall-elezzjoni każwali fit-tielet distrett, għas-siġġu vakat minn Helena Dalli wara li inħatret Kummissarju Ewropew. L-erba’ kandidati li tefgħu in-nomina tagħhom huma Jean Claude Micallef, Edric Micallef, Sebastian…

Politika

It-Tnejn fetħu n-nomini tal-kandidati li se jkunu qed jikkontestaw għall-kariga ta’ mexxej tal-Partit Laburista. Dan hekk kif ftit iktar minn ġimgħa ilu, il-Prim Ministru Joseph Muscat ħabbar li se jkun…

Qorti

L-eks Chief of Staff Keith Schembri rtira żewġ kawżi ta’ libell li kien fetaħ kontra Daphne Caruana Galizia. Dan intqal waqt seduta tal-lum li matulha kellhom jinstemgħu l-kawżi mill-Maġistrat Victor…

Aktar