Qorti
Jinżamm arrestat raġel mixli b’serq mill-Imsida, San Pawl il-Baħar u l-Fgura

Il-Pulizija ressqet il-Qorti żagħżugħ u xlietu li bejn Frar u Mejju wettaq ħames serqiet ta’ flus u ġojjelli minn residenzi fl-Imsida u San Pawl il-Baħar.

Aliosha Emnadze, Ġorġjan ta’ 24 sena, ġie mixli wkoll li f’Ġunju pprova jwettaq tliet serqiet oħra minn San Pawl il-Baħar u l-Fgura. Huwa ġie akkużat ukoll b’konfoffa biex iwettaq dawn is-serqiet.

Fil-Qorti ma ngħatawx dettalji dwar il-valur tal-oġġetti misruqa. L-akkużat, li qal li ma jaħdimx u m’għandux indirizz fiss f’Malta, wieġeb mhux ħati tal-akkużi. Il-Qorti, ippreseduta mill-Maġistrat Yana Micallef Stafrace, ordnat li l-imputat jinżamm taħt arrest preventiv.

Aħbarijiet Oħra
Sport

Wara s-suċċess tal-atleti Maltin tal-Olimpjadi Speċjali b’rebħ ta’ erbgħin midalja fil-logħob dinji ta’ Marzu li għadda, tissokta ħidmet il-fondazzjoni Marigold biex permezz ta’ din il-pjattaforma tagħti opportunitajiet sportivi lil atleti…

Forzi Armati

Fit-tislima mill-ogħla awtoritajiet lill-monument li jfakkar lil Malta Indipendenti fil-Floriana, dalgħodu spikka s-salut ta’ 21 tir minn kanuni tal-Forzi Armati. Din il-parti taċ-ċerimonja ġibdet l-interess ta’ grupp imdaqqas ta’ Maltin…

Kultura

Il-Main Guard, it-toroq u l-bjar taħt il-Belt u The Fortress Builders huma tliet siti li għaddew f’idejn Heritage Malta, l-aġenzija nazzjonali li tħares il-wirt storiku u kulturali tal-pajjiż. F’konferenza tal-aħbarijiet…

Politika

Malta, permezz tal-ambaxxatur għan-Nazzjonijiet Magħquda, Carmelo Inguanez, qiegħda tippresiedi wħud mis-sessjonijiet tal-74 sessjoni tal-Assemblea Generali tan-Nazzjonijiet Magħquda. Dan wara li għall-ewwel darba wara tmintax-il sena, Malta intgħażlet bħala wieħed mill-Viċi…

Aktar