Qorti
Jinżamm arrestat wara li kien akkużat li kkorrompa tifla ta’ 15-il sena

Relazzjoni amoruża ma’ tfajla ta’ ħmistax-il sena waslet biex raġel ta’ 25 sena mill-Ħamrun baqa’ miżmum arrestat. Il-każ beda jinstema fil-Qorti quddiem il-Magistrat Audrey Demicoli li ordnat restrizzjonijiet fuq x’jiġi rappurtat.

Ir-raġel akkużat li kkorrompa tifla ta’ 15-il sena, ġie mixli li wara li ngħata l-ħelsien mill-arrest f’Lulju huwa baqa’ jagħmel kuntatt magħha. In-nannu tat-tifla xehed li ra lit-tifla tiela’ fuq vann li kien qed isuq l-akkużat u li f’diversi telefonati li kien jagħmlilha, kien jheddidha li joqtolha jekk titilqu.

Xehdet ukoll omm it-tifla li qalet li lil bintha qabditha tigdeb dwar mobile li kellha apposta sabiex tikkomunika mal-akkużat u sabitilha wkoll ittri li kien jibagħtilha. Xehdet li meta qalet lil bintha tgħidilha x’qed jiġri, bintha qaltilha li qed tibża minnu.

Fuq il-pedana tax-xhieda, it-tifla qalet li minn meta r-raġel ħareġ mill-ħabs, hija ltaqgħet miegħu darbtejn biss. Tul is-seduta ħareġ li l-akkużat iltaqa’ aktar minn darbtejn mat-tifla wara li ħareġ mill-ħabs.

Id-difiża ma talbitx għall-ħelsien mill-arrest f’dan l-istadju.

Aħbarijiet Oħra
Lokali

Għalqu il-postijiet tal-votazzjoni fir-Renju Unit hekk kif l-elettroat ivvota fit-tielet elezzjoni ġenerali f’inqas minn ħames snin. L-elezzjoni li saret l-ewwel darba f’Diċembru fi kważi seklu issegwi l-elezzjonijiet preċedenti tal-2015 u…

Lokali

Il-Prim Ministru Joseph Muscat qal li ħass li kellu jattendi għas-summit tal-Kunsill Ewropew għax hu l-Prim Ministru tal-pajjiż u xogħlu huwa li jirrappreżenta lil Malta. Huwa qal dan fl-isfond li…

Politika

Iż-żewġ kandidati għat-tmexxija tal-Partit Laburista: Chris Fearne u Robert Abela ddikjaraw li Konrad Mizzi mhux ser jkun fil-kabinett tagħhom għalkemm jibqa’ fil-grupp parlamentari Laburista. Intervistati fil-programm Dissett, Dr Fearne u…

Lokali

Il-kumpanija tat-telekomunikazzjoni GO qalet li minħabba ħsarat is-servizzi tal-internet kemm dak fiss, kif ukoll tal-mobile mhumiex qegħdin jaħdmu. Fuq Facebook il-kumpanija qalet li konsegwenza ta’ din il-ħsara, iċ-channels diġitali tal-call centre huma…

Aktar