Lokali
Jinżamm arrestat wara li ma ammettiex li spara fuq anzjana

Melvin Debono ta’ 26 sena minn Raħal Ġdid inżamm arrestat wara li ma ammettiex l-akkuża  li spara tiri ta’ arma tan-nar lejn residenza ta’ anzjana.

Il-każ seħħ nhar id-19 ta’ Novembru fi Triq Ħal Luqa; Raħal Ġdid.

L-Ispettur Chantelle Casha qalet li mill-investigazzjonijiet li saru rriżulta li dakinhar l-anzjana semgħet ħoss kbir qiesu sparatura u meta ttawlet mill-gallerija ma rat xejn. Qal li filgħodu marret infermiera biex tagħtiha l-insulina u ndunat li fil-bieb kien hemm toqba li wara testijiet forensiċi rriżulta li tikkorrispondi mal-isparatura.

Il-Qorti semgħet li minn kameras tas-sigurtà, il-Pulizija innotaw karozza bajda tat-tip Mercedes tieqaf quddiem id-dar u min-naħa tax-xufier toħroġ id mill-karozza u sseħħ l-isparatura. Dlonk wara l-isparatura l-karozza telqet.

Mill-istħarriġ li għamlet il-Pulizija rriżulta li l-karozza kienet ta’ Joseph Debono u minn hemm ħareġ li hu kien is-sid tal-karozza iżda jsuqha ibnu għax hu ma jafx isuq.

Il-Prosekuzzjoni kompliet tgħid li Melvin Debono ma ried jieħu l-karozza l-għassa u qal li kien ilu ħmistax ma jsuqha u kienet fil-garraxx.

Min-naħa tagħha d-difiża mmexxija mill-Avukat Franco Debono flimkien ma’ Dr Marion Camilleri qalet li mill-kameras tas-sigurtà jidher biss id u mhux wiċċ.

Il-Qorti ppreseduta mill-Maġistrat Joe Mifsud qal li jrid jinstab bilanċ fis-soeċjeà u qal li hawn aktar drittijiet għall-kriminali milli għal dawk li jkunu qed jgħixu fid-djarhom għall-kwiet. Qal li l-Qorti hija mħassba li hawn vetturi fit-torqo li mhux irreġistrati fuq min isuqhom. Żied jgħid li hawn ukoll għadd ta’ armi mhux irreġistrati u li dan qed joħloq periklu akbar għas-soċjetà.

Aħbarijiet Oħra
Lokali

Il-Kamra tad-Deputati approvat it-tielet qari tal-abbozz ta’ liġi dwar il-protezzjoni tal-embrijuni b’34 vot u 27  voti kontra. Il-vot intlaqa’ b’ċapċip mill-membri tal-Gvern. L-abbozz issa jonqsu biss il-firma tal-President tar-Repubblika Marie-Louise…

Lokali

Wieħed mill-istilisti magħrufa tal-kantanta internazzjonali Lady Gaga, l-istilist mill-Kroazja, Matija Cop li nġieb Malta f’attività edukattiva għall-istudenti tal-MCAST mill-Fondazzjoni, Malta Chamber of Fashion. F’Malta wieħed mill-istilisti li taħdem miegħu l-kantanta…

Lokali

Mara ta’ 58 sena qaltilna li ilha priġuniera ġo darha għal dawn l-aħħar 9 snin għax minħabba mard ma tiflaħx tinżel żewġ sulari taraġ. Il-mara, Rita Gatt hija armla b’erbat’…

Lokali

F’konferenza tal-aħbarijiet, siegħa qabel ttieħed il-vot fit-tielet qari biex tidħol il-liġi ġdida tal-IVF, id-Deputat Prim Ministru u Ministru tas-Saħħa Chris Fearne sostna li wasal il-waqt li l-politiċi ma jibqgħux jaħsbu…

Aktar