Lokali
Jinżamm arrestat wara li wieġeb ħati li hedded u offenda żewġ kuntistabbli tal- Pulizija waqt li kienu xogħol

F’każ ieħor Somalu ta’ 24 sena Sacid Mohamed Abdillahi baqa’ jinżamm arrestat wara li wieġeb ħati li hedded u offenda żewġ kuntistabbli tal- Pulizija waqt li kienu xogħol.

L-Ispettur tal-Pulizija Leeroy Balzan Engerer qal li l-inċident seħħ fis-sigħat bikrin tal-ġimgħa filgħodu f’San Ġiljan meta l-akkużat kien xurban. Fil-Qorti ntqal li huwa riċediv għax ilu biss xahar li ħareġ mill-Faċilità Korettiva ta’ Kordin.

Wara li semgħet is-sottomissjonijiet, il-Maġistrat Vella ordnat li r-raġel jinżamm arrestat sakemm tagħti is-sentenza wara li tkun eżaminat il-każijiet preċedenti tal-akkużat.