Lokali
Jipproponi one stop shop għall-ilmenti relatati mal-ambjent u l-ippjanar

Il-Kummissarju għall-Ambjent u l-Ippjanar fl-uffiċċju tal-Ombudsman, il-Perit Alan Saliba, qed jipproponi t-twaqqif ta’ uffiċċju wieħed tal-Gvern li jilqa’ l-ilmenti kollha dwar l-ambjent u l-ippjanar għax fil-fehma tiegħu ċ-ċittadin qed jaħli ħafna żmien ifittex għand liema entità għandu jirreferi l-ilmenti tiegħu, b’konsegwenzi serji meta każijiet ikunu urġenti.

Bħala difensur taċ-ċittadini f’aspetti li jitrattaw l-ambjent u l-ippjanar, il-Perit Saliba ppubblika l-proposti tiegħu għall-abbozz ta’ regolamenti ġodda dwar il-bini u l-iskavar. Issuġġerixxa li dan l-uffiċċju li jopera fuq il-mudell ta’ one stop shop, għandu jkollu d-direttorati tal-infurzar ta’ kull entità governattiva biex l-infurzar ikun aktar effiċjenti u effettiv.

Ippropona li meta ġar ta’ sit ta’ fejn għaddej tħaffir jew bini jinnota konsenturi eħxen minn millimetru, għandu permezz ta’ perit jibgħat rapport lill-perit tal-proġett, lis-site manager u lil dan l-uffiċċju tal-gvern li għandu minnufih iwaqqaf ix-xogħlijiet. Qal li jekk ikun hemm min jibqa’ għaddej bix-xogħol, il-perit, is-site manager u l-kuntrattur għandhom iwieġbu b’multi ħorox li japplikaw għal kull ġurnata li matulha jibqa’ għaddej ix-xogħol.

Il-Kummissarju għall-Ambjent u l-Ippjanar tratta fit-tul id-distanzi li għandhom jinżammu waqt it-tħaffir u fost l-oħrajn qal li kwalunkwe ftehim privat li jikser il-liġi għandu jiġi dikjarat null u mingħajr effett.

Aħbarijiet Oħra
Relazzjonijiet Industrijali

Il-President tal-Union tal-Infermiera u l-Qwiebel, Paul Pace, qal lil TVM li jista’ jkun hemm żblokk ma’ Steward Healthcare biex l-MUMN tkun tista’ tneħħi d-direttivi ta’ azzjonijiet industrijali lill-carers fl-isptar Karen…

Politika

Il-President George Vella llum iltaqa’ mal-President tal-Awstrija; Alexander Van der Bellen, waqt li qiegħed għal żjara fl-Awstrija. Il-President Awstrijakk tkellem dwar ir-rabtiet b’saħħithom bejn iż-żewġ pajjiżi u kif dawn komplew…

Kultura

Illejla qed jiġi inawgurat il-presepju tradizzjonali Malti fi Vjenna. Dan il-presepju se jkun esibit f’wieħed mill-ikbar swieq tal-Milied fl-Ewropa. Wara li kien għall-wiri fil-Pjazza tal-Vatikan fl-2016, fil-Pjazza tal-Maxtura f’Betlem fl-2017…

Kultura

Tela’ s-siparju fuq id-disa’ edizzjoni tal-Festival Żigużajg, li ser isir fuq medda ta’ għaxart ijiem. Din is-sena mal-130 artist qed jieħdu sehem f’numru ta’ proġetti artistiċi, li fi kliem id-Direttur…

Aktar