Lokali
Jipproponi skema biex tħajjar aktar żgħażagħ jagħmlu l-kors tal-liċenzja ta’ piloti

L-effett tal-Brexit fuq l-industrija tal-avvjazzjoni f’Malta u t-taħrig tal-piloti prospettivi kienu fost it-temi trattati fis-seba’ edizzjoni tal-BOV Aviation Outlook.

Il-Kaptan Norman D’Amato qal li fuq medda ta’ 40 sena, mat-300 Maltin ġabu l-liċenzja biex itajjru ajruplani tal-passiġġieri, iżda stqarr li l-ispejjeż tal-kors jista’ qed jaqta’ qalb uħud li ma jifilħux għall-ispiża. Huwa ppropona skema biex aktar żgħażagħ jitħajjru jagħmlu l-kors għal-liċenzja ta’ piloti.

Il-Kaptan Norman D’Amato kien fl-ewwel grupp ta’ tnax-il żagħżugħ Malti li f’nofs is-sebgħinijiet tħarrġu u bdew itajru l-ajruplani tal-Air Malta. Illum l-piloti Maltin li jaħdmu mal-Air Malta u linja tal-ajru oħra jgħodd mat-300.

F’konferenza dwar l-avjazzjoni u l-prospetti ta’ din l-industrija f’Malta, il-Kaptan D’Amato stqarr li jaħseb li d-domanda għal piloti ser tiżdied. Huwa qal li l-kors għal piloti jiswa mal-mitt elf ewro, li mhux kulhadd jiflaħ għalih. Għalhekk ħeġġeġ għal skema biex il-piloti prospettivi jkunu jistgħu jħallsu għall-kors tagħhom.

Nornman D’Amato qal li “il-Gvern jagħmel garanzija mal-bank biex tipprovdi din il-loan ħalli dak li jkun ikun kapaċi jħallas u jġib il-liċenzja meħtieġa”.

Fil-BOV Aviation Outlook, Kristian Farrugia, First Officer mal-Air Malta, qal li hemm interess qawwi mil-linji tal-ajru rreġistrati fir-Renju Unit biex jiksbu Ċertifikat tal-Ajru Ewropea biex jassiguraw li l-operat tagħhom ma jiġix imtellef wara l-Brexit. Qal li fid-dawl ta’ dan, ir-reġistru lokali jista’ jkompli jikber jekk Malta tattira linji tal-ajru mir-Renju Unit.

Il-Ministru tat-Trasport, Ian Borg, qal li sal-lum, aktar minn 30 linja tal-ajru daħlu lil Malta fir-rotta tagħhom, b’hekk telgħu għal 100 r-rotot minn u lejn Malta.

Il-Ministru Borg qal li r-reviżjoni li saret fuq il-liġi tar-reġistrazzjoni tal-ajruplani ħalliet riżultati pożittivi bin-numru ta’ ajruplani reġistrati f’Malta rdoppja għal 270 mill-2012.

Waqt il-konferenza ġew ippremjati numru ta’ personalitajiet distinti fl-industrija tal-avjazzjoni għal kontribut tagħhom lis-settur. Il-BOV Lifetime Achievement Award ingħata lil Martin Azzopardi – espert tal-assigurazzjoni tal-avjazzjoni.

 

Aħbarijiet Oħra
Trasport

Hekk kif il-preparamenti u l-pjanijiet għall-mina bejn Malta u Għawdex għaddejjin ġmielhom, id-dibattitu dwar it-trasport f’Malta u f’Għawdex ma jonqosx. Waqt il-programm TVAM, id-Direttur ta’ Koncept X, il-Perit Konrad Xuereb…

Unjoni Ewropea

Stħarriġ tal-Ewrobarometru wera li l-Maltin huma l-aktar sodisfatti bil-ħajja u bis-sitwazzjoni ekonomika fil-familja u l-pajjiż b’mod ġenerali. Il-Maltin huma fost l-aktar ottimisti fil-pajjiżi tal-Unjoni Ewropea dwar il-ġejjieni u l-aktar li…

Kronaka

Jeanette Burke, mara ta’ 41 sena, ġiet irrapportat nieqsa.  Ir-rapport lill-Pulizija sar fil-15 ta’ Frar li għadda, 5 ijiem ilu.  L-aħħar kuntatt ma’ Burke sar minn qraba tagħha li jgħixu l-Ingilterra nhra…

Lokali

Il-Prim Ministru Joseph Muscat qal li se jikkovinċi u juri li parti mill-abbozz ta’ riżoluzzjoni fuq Malta mill-Kumitat tal-Libertajiet Ċivili tal-Parlament Ewropew huwa żbaljat. Huwa kien qed jitkellem dwar l-abbozz tar-riżoluzzjoni…

Aktar