Lokali
“Tidfnuniex ħajjin” – protesta kontra l-iżvilupp propost flok l-ITS

Residenti, għaqdiet mhux governattivi, il-Kunsilli ta’ Pembroke, San Ġiljan u Swatar reġgħu ngħaqdu kontra l-iżvilupp propost fis-sit tal-Istitut tal-Istudji Turistiċi.

Fi protesta, bl-għajta Tidfnunex Ħajjin, ir-residenti qalu li l-izvilupp propost kobor li jinkludi torri ta’ 37 sular u lukanda ta’ 19-il sular, jhedded mhux biss lil Pembroke, iżda wkoll lis-Swieqi u San Ġiljan b’kummerċjalizzazzjoni bla rażna, b’traffiku u bit-trab li se jiġġenera.

Ir-residenti appellaw lill-awtoritajiet biex iħarsu d-drittijiet tagħhom għal ħajja trankwilla, ghal arja nadifa u aċċess għad-dawl tax-xemx. Sostnew li d-dellijiet li se joħloq dal-bini se jirrovina l-kwalità tal-ħajja tan-nies u jħarbat l-investimenti li saru fil-panelli tax-xemx.

 

Id-diversi kelliema li tkellmu fil-protesta qalu li diġà sar numru rekord ta’ oġġezzjonijiet kontra dan il-proġett tal-Grupp DB. TVM huwa infurmat li s’issa ġew ippreżentati mal-2,400 oġġezzjoni quddiem l-Awtoritaà tal-Ippjanar.

Is-Sindku ta’ San Ġiljan, Guido Dalli qal li b’mod unanimu l-kunsill huwa kontra l-proġett waqt li s-Sindku ta’ Pembroke Dean Hili qal li nhar it-Tlieta, il-kunsill se jagħmel il-pozizzjoni tiegħu ċara kontra l-proġett. Fil-protesta ħadu sehem deputati tal-Partit Demokratiku, deputati tal-Partit Nazzjonalista u uffiċjali tal-Alternattiva Demokratika.

Aħbarijiet Oħra
Infrastruttura

Il-Korporazzjoni għas-Servizzi tal-Ilma minn għada se tibda tiswijiet fis-sistema ta’ katusi f’qiegħ il-baħar li jintuża għar-rimi ta’ drenaġġ trattat mill-impjant ta’ Għawdex. Il-ħidma delikata li għandha tieħu madwar tliet ġimgħat…

Kronaka

Raġel ta’ 33 sena weġġa’ gravi f’inċident bil-mutur f’Birkirkara. Il-Pulizija kienet infurmata bl-inċident fi Triq il-Wied għall-ħabta tal-4.45pm. Fi stqarrija l-Pulizija qalet li s-sewwieq, li jgħix il-Pietà, kien qed isuq…

Saħħa

F’Malta hawn madwar 7,000 persuna li għandhom id-demenzja, bl-istudji juru li l-għadd mistenni jiżdied għal mill-inqas 13,000 sal-2050. L-esperti jemmnu li din hija biss ix-xifer tal-istampa, minħabba li għadd ta’…

Stejjer Umani

Għalkemm il-Maltin ikunu qed jistennew is-sajf bil-ħerqa biex jaqtgħu xi ftit mir-rutina ta’ kuljum tax-xogħol, mhux l-istess jista’ jingħad għal Alfred Attard li ilu aktar minn 40 sena jiġbor il-melħ…

Aktar