Stejjer Umani
Jirnexxielu jsir 6 darbiet champion tal-bowling minkejja d-diżabilità

Iċ-Champion ta’ Malta tal-bowling taħt it-23 sena huwa Philip Gruppetta li mhux biss irnexxilu jegħleb il-kundizzjonijiet intellettwali tiegħu iżda anke l-kompetizzjoni ta’ żgħażagħ oħrajn bla diżabbiltà. Din hi s-sitt darba li rebaħ dan it-titlu nazzjonali u issa qed iħejji biex jirrappreżenta lil Malta fl-Ispecial Olympics f’Abu Dhabi.

Philip Gruppetta rebaħ il-kampjonat nazzjonali tal-bowling taż-żgħażagħ għas-sitt darba u dan minkejja li miegħu kien hemm jikkompetu madwar 20 żagħżugħ bla diżabiltà taħt it-tlieta u għoxrin sena.

Philip qalilna li meta kien żgħir għadda minn tbatijiet kbar minħabba l-kundizzjoni tal-ADHA, li minħabba fiha mingħajr ma jaf, kien jispiċċa jweġġa’ lilu nnifsu.

Philip Gruppetta qal “kont imqareb ħafna, ninkwieta ħafna lill-ġenituri..kont nweġġa’ lili nnifsi d-dar stess bil-kundizzjoni”.

Anna Calleja li d-Direttur tal-Olimpjadi Speċjali ta’ Malta qalet li ilha taf lil Philip minn mindu kellu 11-il sena u tħossha kburija ħafna li reġa’ ġie kkonfermat Champion tal-bowling.

Anna Calleja qalet “atleta tal-ispecial olympics li bil-challenges kollha li għandu, ikkompeta ma’ nies kbar fl-isport u rebħilhom, dak hu unur kbir għalina”.

Is-suċċess ta’ Philip ma seħħx b’kumbinazzjoni għax jitħarreġ kuljum u fl-istess waqt ilaħħaq fil-Forzi Armati ta’ Malta. F’Malta, Philip jilgħab mat-tim ta’ FINA fl-ogħla diviżjoni

Philip Gruppetta qal “il-bowling għenni ħafna, u nkun naf kif nagħmel meta nistressja ruħi, il-bowling biddilli ħajti”.

Philip m’huwiex biss storja ta’ suċċess fil-bowling lokali iżda fl-aħħar snin irnexxielu jirbaħ kompetizzjonijiet internazzjonali tant li s-sena li ġejja se jirrappreżenta lil Malta fl-Olimpijadi specjali f’Abu Dhabi.

Aħbarijiet Oħra
Elezzjoni

Il-Mexxej tal-Partit Demokratiku Godfrey Farrugia qal li wara li jitħabbru r-riżultati tal-Kunsilli Lokali, l-Eżekuttiv tal-Partit, inkluż hu, jirriżenjaw. Ma’ TVM Godfrey Farrugia qal li wara li jsiru r-riżenji jitwaqqaf steering committee li…

Kronaka

Ħaddiem weġġa’ gravi wara li waqa’ żewġ sulari f’sit ta’ kosruzzjoni. L-inċident seħħ għall-ħabta tal-10.30am fi Triq il-Ħaddiem, il-Marsa. Il-Pulizija tad-Distrett marru minnufih fuq il-post fejn minn stħarriġ preliminari li…

Elezzjoni

Il-Kap tal-Moviment Patrijotti Maltin Henry Battistino qal li wara li ħareġ ir-riżultat tal-elezzjoni tal-Parlament Ewropew se jirriżenja. Fuq Facebook huwa kiteb li l-Partit li jħobb kellu disfatta u għalhekk se…

Lokali

Uffiċjali tad-Dwana mit-Taqsima tal-Propjetà Intellettwali nterċettaw container fil-Freeport li kien qed iġorr 26,688 qalziet tal-jeans ta’ ditta rinomata li però rriżultaw li kienu kontrafatti (foloz). Fi stqarrija maħruġa mid-Dwana ntqal…

Aktar