Lokali
Jirrikonoxxuh bħala eroj

Il-kuntistabbli Simon Schembri, li daqs xahar ilu ttajjar u tkaxkar bil-karozza li kien qed isuq Liam Debono waqt li kien qed jaqdi dmirijietu, ġie rrikonoxxut bħala eroj minn Good Guys in Bad Lands.

Il-grupp internazzjonali Good Guys in Bad Lands jippromwovi, jagħti sapport u jqajjem kuxjenza dwar il-ħidma tal-uffiċjali pubbliċi li jpoġġu s-sigurtà tal-pubbliku qabel ħajjithom.

Il-kuntistabbli Simon Schembri ftit tal-ġranet ilu ħareġ mill-isptar fejn kien qed jissielet mal-mewt u b’turija ta’ kuraġġ u rispett, u bl-approvazzjoni tiegħu, il-grupp qasam mal-pubbliku ritratt tal-għaqda ma’ Simon Schembri.

Schembri qal li għal ftit ħin, il-ġest sabiħ nessieħ mill-uġigħ u t-trawma li għaddej minnha bħalissa filwaqt li rringrazzja lil kull min qed itiħ is-sapport f’dan il-mument diffiċli.