Barranin
Jirtira mill-elezzjoni presidenzjali tax-xahar id-dieħel

L-ex President Brażiljan Luiz Inácio Lula da Silva rtira mill-elezzjoni presidenzjali tax-xahar id-dieħel.

Il-kap tal-Partit tal-Ħaddiema Gleisi Hoffman ħabbar din id-deċiżjoni barra l-kwartieri ġenerali tal-pulizija, fejn l-ex President, li għandu 72 sena qed jiskonta sentenza ta’ 12-il sena.

Lula kiteb ittra lill-persuni li jappoġġjawh li ilhom mill-ħames xhur jikkampjaw barra ċ-ċella tiegħu jitolbu għall-ħelsien tiegħu. Fl-ittra qal li mhux se jikkontesta l-elezzjoni tas-7 ta’ Ottubru. Huwa qal li Fernando Haddad se jikkontesta minfloku.

Din id-deċiżjoni ttieħdet wara battalja legali twila, li laħqet il-qofol tagħha fl-aħħar t’Awwissu meta l-Qorti Elettorali Superjuri qalet li huwa ma jistax jikkontesta għall-presidenza. Deċiżjoni li l-Partit tal-Ħaddiema appella għaliha u li għadd trid tittieħed deċiżjoni dwarha mill-Qorti Suprema.

Aħbarijiet Oħra
Brexit

Fir-Renju Unit, il-Prim Ministru Theresa May wissiet li għexieren ta’ membri parlamentari konservattivi li normalment huma leali lejn il-partit jistgħu jiħduha kontra l-Gvern biex jipprevenu milli jsir Brexit mingħajr ftehim…

Barranin

L-Olanda trid timplimenta miżuri biex tiġġieled il-korruzzjoni.  Dan intqal fir-rapport ta’ evalwazzjoni ppubblikat mill-GRECO, il-grupp ta’ stati kontra l-korruzzjoni fil-Kunsill tal-Ewropa. Din ir-rakkomandazzjoni qed issir fil-konfront tal-persuni li għandhom karigi…

Barranin

Mara mietet u 28 persuna oħra qed jingħataw kura wara li sofrew minn avvelenament bl-ikel li kielu minn restorant prim (Michelin) fil-Lvant tal-belt Spanjola ta’ Valencia. Il-mara ta’ 46 sena…

Kurżitajiet

Josh Barry, kittieb li jbati mill-kundizzjoni tas-cerebral palsy qatta’ l-aħħar 9 snin jikteb ktieb fuq ħajtu bi mnieħru. Minkejja l-limitazzjonijiet li jaffaċċja kuljum, Josh Barry ma jaqtax qalbu u permezz tat-teknoloġija…

Aktar