Barranin
Jisfaxxaw it-taħditiet dwar Brexit bejn May u Corbyn

Il-mexxej Laburista Ingliż Jeremy Corbyn qal li sfaxxaw it-taħditiet dwar Brexit li kienu qed isiru bejn il-partit tiegħu u l-Partit Konservattiv Ingliż immexxi mill-Prim Ministru Theresa May.

Corbyn qal li t-taħditiet kienu ilhom għaddejjin 6 ġimgħat bejn il-Gvern u l-Oppożizzjoni u sostna li ma jistgħux jibqgħu għaddejjin minħabba iktar dgħufija u instabilità mill-Gvern.

Iż-żewġ partiti mistennija jiddiskutu numru ta’ għażliet lill-Membri Parlamentari biex jiżlukkaw il-kwistjoni.  Ilbieraħ, May wegħdet li se tkun qed tirreżenja minn Prim Ministru wara l-vot li jmiss dwar Brexit.

Fit-3 ta’ Ġunju mistenni li jittieħed dan il-vot, l-ewwel okkażjoni għall-MPs Ingliżi fil-Parlament biex jivvutaw wara li tressqet il-liġi dwar it-tluq tar-Renju Unit mill-Unjoni Ewropea li trid tiġi implimentata bi ftehim bejn iż-żewġ naħat.

Jekk dan il-vot ma jgħaddix, l-intenzjoni ta’ May hija li titlaq mit-tmexxija, pożizzjoni li diġà wera interess fiha Boris Johnson.

Aħbarijiet Oħra
Barranin

L-Arabja Sawdija wkoll qed takkuża lill-Iran għall-attakki li saru fuq it-tankers taż-żejt f’rotta li tagħti għall-Golf ta’ Oman. Il-Prinċep Sawdi, Mohammed bin Salman qal li pajjiżu mhux se joqgħod jaħsibha…

Barranin

F’għeluq ix-xahrejn min-nirien fil-katidral ikoniku tan-Notre Dame f’Pariġi, illejla ġiet iċċelebrata quddiesa għal udjenza limitata li għaliha ttieħdu wkoll għadd ta’ prekawzjonijiet ta’ sigurtà. Fil-Katidral ta’ Notre Dame f’Pariġi ċċelebrata…

Barranin

Tħabbret il-mewt tad-Direttur tal-films Taljan, Franco Zeffirelli. Zeffirelli miet fl-età ta’ 96 sena fir-residenza tiegħu f’Ruma, wara li ħakmitu marda. Huwa kien magħruf għal bosta produzzjonijiet fosthom l-aktar wieħed ċelebri,  dak…

Barranin

Adélio Bispo de Oliveira, li ġie mixli li nifed lill-President Brażiljan, inħeles mill-arrest wara li l-Qorti sabet li ma kienx konxju ta’ għemilu. Il-Qorti qalet li l-liġi Brażiljana ma tistax…

Aktar