Kurżitajiet
Jisfidaw temperaturi taħt iż-0 u jinżlu jgħumu

Min jistad u min jgħum fl-ilma nġazzat. Dawn l-għawwiema Ċiniżi qed jieħdu sehem fil-festival tas-silġ f’Harbin iċ-Ċina, fejn parti minnu hija dedikata għall-għawm.

Hawnhekk, it-temperaturi jinstabtu taħt iz-zero f’dawn ix-xhur tax-xitwa, imma dan ma jaqtax qalb l-għawwiema li jieħdu sehem f’din l-attività annwali. B’kollox mas-600 għawwiem sfidaw l-ilma kiesaħ f’passatemp li għalkemm għalina jista’ jidher stramb f’dawn iż-żmenijiet ta’ kesħa, f’dawn il-partijiet taċ-Ċina huwa popolari speċjalment mal-adulti li jemmnu li l-għawm f’ilma kiesaħ jew saħansitra friżat huwa ta’ benefiċċju għas-saħħa. Il-festival tas-silġ f’Harbin fiċ-Ċina huwa wieħed spettakolari li jinkludi l-bini ta’ skulturi fis-silġ, u jibqa’ sejjer sa Frar sakemm is-silġ jibda jdub u t-temperaturi jibdew jogħlew.