Qorti
Jispiċċa l-Qorti wara argument fuq iż-żwiemel

Raġel ta’ 42 sena ma nstabx ħati li fost l-oħrajn ikkaġuna ġrieħi gravi lil raġel ieħor u li beżgħu li se tintuża vjolenza kontrih. Huwa kien akkużat ukoll li kiser il-paċi pubblika bi ġlied u storbju u li kien riċediv.

Fix-xhieda tiegħu r-raġel il-midrub qal li l-inċident beda b’diżgwiet dwar min kellu jitfa’ ż-żiemel fuq il-walker ġo stabbiliment li kien jospita dal-apparat. Qal li l-imputat tah daqqa ta’ ponn u waqa’ f’gandott u tah daqqiet oħra. Xehed li kien hemm terza persuna li bdiet iżommu. Qal li spiċċa bi mnieħru miksur.

Min-naħa tiegħu, l-akkużat qal li l-persuna li ndarbet kienet viċin tiegħu u qabdu mill-flokk. Qal li min hemm qabdu f’xulxin iżda ma jiftakarx li tah xi daqqa ta’ ponn iżda qal li waqgħu fl-art fuq xulxin.

Xehed ukoll sid l-istalel fejn qal li dan l-inċident kien riżultat tal-persuna midruba. Saħaq li r-raġel midrub kien irrabjat għall-imputat.

F’dan l-isfond il-Qorti ma sabitx lill-imputat ħati u illiberatu minn kull ħtija.

Aħbarijiet Oħra
Temp

L-uffiċċju meterjoloġiku qed ibassar riħ qawwi ħafna għal għada l-Ħadd 24 ta’ Frar. Jidher li r-riħ se jilħaq il-qawwa ta’ riefnu (forza 8-9) mal-jum ta’ għada. It-temp mistenni jkun imsaħħab…

Kronaka

Persuna ġarrbet xi ġrieħi wara li kienet involuta f’inċident fuq il-baħar fl-inħawi ta’ Fra Ben, fil-Qawra. Il-każ seħħ għall-ħabta tat-3.00 ta’ waranofsinhar. TVM infurmat li fil-ħin tal-inċident il-persuna kienet fil-baħar…

Politika

Il-President tal-Kunsill Ġenerali tal-Partit Nazzjonalista, Kristy Debono, qalet li l-Partit Nazzjonalista kien u se jibqa’ t-tarka tal-poplu u tal-pajjiż kollu waqt li se jsaħħaħ il-ħidma favur il-pajjiż. Fi tmiem it-tielet…

Aktar