Qorti
Jispiċċaw il-ħabs wara li provaw imorru l-Ġermanja

Żewġ nisa, li waslu Malta b’dgħajsa ma’ immigranti oħra s-sena l-oħra, spiċċaw il-ħabs minflok il-Ġermanja.

Fil-Qorti, l-avukat tagħhom Martin Fenech, spjega li huma użaw dokumenti foloz biex ikunu jistgħu jibdew ħajja ġdida. Il-każ seħħ meta Angel Ake ta’ 35 sena mill-Kosta tal-Avorju u Kindega Bassahae Julia ta’ 31 sena ġew arrestati l-ajruport internazzjonali ta’ Malta ftit qabel ma qabdu titjira lejn Berlin. Huma nqabdu b’passaporti u dokumenti foloz.

Iż-żewġ nisa ammettew l-akkużi kontrihom bil-Qorti tibgħathom sitt xhur ħabs. Il-Prosekuzzjoni qalet li ż-żewġ nisa kellhom saqaf fuq rashom, u kieku stennew għall-passaport u permess ta’ residenza setgħu jitilqu minn Malta b’mod legali.

Aħbarijiet Oħra
Kronaka

Anzjana ndarbet gravi wara li ntlaqtet minn karozza. L-inċident seħħ għall-ħabta tat-8am fi Triq Desain, il-Birgu. Il-Pulizija qalet li raġel ta’ 61 sena residenti Ħal Tarxien kien qed isuq vettura…

Lokali

Stennija għall-Budget hekk kif illum il-Ministru tal-Finanzi Edward Scicluna fil-Parlament jippreżenta l-Budget għas-sena d-dieħla li huwa t-tielet Budget tal-Gvern f’din il-leġislatura. TVM ħejja skeda speċjali ta’ xandir tal-Budget. Ix-xandira fuq…

Lokali

“Għajnu Aħmar it-Tonn” jew “It-Tonn tal-Melliħin” kienet l-għajta tas-sajjieda Melliħin li sal-bidu tas-sittinijiet kienu jbiegħu t-tonn li jaqbdu bit-Tunnara. Is-sajd bit-tunnara nqata’ iżda fil-mużew tat-Tunnara fil-bajja tal-Mellieħa, għaqda volontarja Melliħija ikkonservat…

Aktar