Unjoni Ewropea
Jissoktaw it-taħditiet bil-għan li jintlaħaq qbil dwar l-ismijiet għall-karigi ewlenin tal-istituzzjonijiet Ewropej

Waqt li fi Strasburgu ġie inawgurat id-disa’ Parlament Ewropew mindu saru l-ewwel elezzjonijiet tal-Parlament Ewropew 40 sena ilu fi Brussell il-mexxejja Ewropej issoktaw bit-taħditiet bil-għan li jilħqu qbil dwar l-ismijiet għall-karigi ewlenin tal-istituzzjonijiet Ewropej.

Fil-fatt, l-elezzjoni għall-President tal-Parlament Ewropew ġiet posposta għal għada sabiex il-gruppi politiċi jkollhom ċans jiddiskutu n-nomini tagħhom għall-Presidenza tal-Parlament Ewropew skont dak li jkun qed jiġi deċiż fi Brussell. Madankollu, kif diġà stqarr il-President attwali tal-Parlament Antonio Tajani, jiġri x’jiġri fil-Kunsill fi Brussell, għada fid-disgħa ta’ filgħodu l-ewroparlamentari se jibdew jivvutaw fuq min se jmexxihom fil-ħames snin li ġejjin.

X’ġara llum fi Brussell? Wara sigħat twal ta’ konsultazzjonijiet, tpoġġew fuq il-mejda ħames ismijiet oħra. Ismijiet li jidher li għandhom kunsens akbar minn kull isem ieħor li tressaq s’issa.

Il-Ministru tad-Difiża Ġermaniża Ursula von der Leyen mill-grupp tal-Partit Popolari Ewropew qed tiġi proposta bħala President tal-Kummissjoni Ewropea, minflok Jean-Claude Juncker, il-Prim Ministru tal-Belġju, il-Liberali Charles Michel qed jisemma għall-kariga ta’ President tal-Kunsill Ewropew. Josep Borrell, Spanjol Socjalista qed jissemma għal Rappreżentant Għoli dwar il-Politika Barranija. U l-Franċiża, Christine Lagarde bħala l-President tal-Bank Ċentrali Ewropew. Għall-Presidenza tal-Parlament Ewropew qed jissemmew Sergei Stanishev, Bulgaru Soċjalista mil-Lvant tal-Unjoni Ewropea, li jaf ikun hemm il-possibilità li jaqsam it-terminu ma’ Manfred Weber, Ġermaniż mill-Grupp Popolari Ewropew.

Kruċjali l-pożizzjoni tal-Visegrad, l-istati membri tal-Lvant, li filwaqt li ma aċċettawx lil Frans Timmermans, issa qed jgħidu li huma favur l-Ġermaniża tal-Popolari Von der Leyen.

B’dan l-ismijiet kapaċi jkunu kuntenti kważi l-mexxejja kollha, kuntenti l-Franċiżi u l-Ġermaniżi, kuntenti l-Liberali għax jieħdu kariga importanti. Kuntenti wkoll is-Soċjalisti għax jieħdu l-parlament u kuntenti l-popolari għax iżommu l-Kummissjoni.

Madanakollu għalkemm b’dawn l-ismijiet jidher li jissodisfaw ħafna mill-kriterji ta’ billanċ bejn il-pajjiżi, il-gruppi politiċi u s-sessi, il-Parlament Ewropew iħoll u jorbot. Għax fil-Parlament hemm min qed jargumenta li mhux sew li l-pajjiżi tal-Visegrad jithallew jiddettaw huma min imexxi l-UE.

U għalhekk laqgħat li se jibdew minn hawn u ftit tal-ħin ieħor fi Strasburgu bejn il-gruppi politiċi differneti u bejn il-kapijiet tal-gruppi jistgħu jiddeterminaw jekk il-Kunsill Ewropew illejla jippreżentax formalment l-għażliet tiegħu.

Kemm fi Brussell kif ukoll fi Strasburgu, kollox għadu possibbli.

Aħbarijiet Oħra
Barranin

Żewġ persuni mietu meta l-ferrovija li kienu fuqha ħarġet barra l-linji qrib il-belt ta’ Wallan. Il-ferrovija li tinstaq b’veloċità kienet qed tivvjaġġa bejn Sydney u Melbourne. Għadd ta’ passiġieri oħrajn…

Barranin

Il-vapur ta’ salvataġġ Ocean Viking salva 274 immigrant ‘il barra mill-kosta tal-Libja. L-irġiel, in-nisa u tfal salvati waqt tliet operazzjonijiet ta’ salvataġġ fiċ-ċentru tal-Mediterran nhar it-Tlieta u lbieraħ. Fost l-immigranti…

Barranin

Ir-rapper Amerikan Pop Smoke nqatel waqt aktarx serqa f’daru. Bashar Jackson ta’ 20 sena kien f’daru f’Hollywood, Los Angeles meta żewġt irġiel b’rashom mgħammda daħlu fuqu u bdew jisparaw xi…

Barranin

Timmaġinak li waqt operazzjoni tibqa’ konxju? Timmaġinak li waqt operazzjoni ddoqq xi strument? Hekk għamlet Dagmar Turner waqt li kienet qed tiġi operata f’rasha. L-istaff mediku talab lil Turner ta’…

Aktar