Kronaka
AĠĠORNAT: Jinstab priġunier mejjet f’ċella tal-ħabs, il-PN jirreaġixxi

Priġunier ta’ 39 sena nstab mejjet fiċ-ċella tiegħu fil-Ħabs.

Fi stqarrija tal-Faċilità Korrettiva ta’ Kordin intqal li l-priġunier instab mejjet għall-ħabta tal-ħamsa ta’ filgħaxija. Iċ-ċentru tal-aħbarijiet jinsab infurmat li l-priġunier li hu Malti kkommetta suwiċidju.

Hu kien qiegħed jistenna li jgħaddi proċeduri dwar akkużi ta’ attentat ta’ omiċidju u vjolenza domestika. Fl-imgħoddi hu skonta diversi sentenzi.

Il-mewt tal-priġunier qed tkun investigata mill-Pulizija u dwar il-każ infetħet inkjesta bil-maġistrat.  L-awtoritajiet tal-ħabs qalu li qed jagħmlu investigazzjoni interna.

Ir-reazzjoni tal-Partit Nazzjonalista

Il-kelliem tal-Oppożizzjoni għas-Sigurtà Nazzjonali Beppe Fenech Adami qal fi stqarrija li dal-każ huwa konferma li l-Gvern qed ifalli fir-riforma tal-ħabs, għax quddiemu persuna tilfet ħajjitha taħt għajnejn u f’idejn min suppost qiegħed jirriabilita lill-priġunieri.

Żied jgħid li għandha tintrefa’ r-responsabiltà politika u l-Ministru Michael Farrugia għandu jwieġeb għal dan il-falliment.

Aħbarijiet Oħra
Lokali

Matul il-maratona ta’ 60 siegħa futbol u volleyball inġabru €1,688,209 b’risq Puttinu Cares. Kienu bosta li matul tmiem il-ġimgħa li għadda marru sal-Marsa Sports Ground, b’uħud ipparteċipaw f’xi logħba u…

Kisbiet

Il-karozzi Bentley u Rolls Royce huma distintivi u magħrufa għal-lussu. Kristian Cini għad għandu sbatax-il sena, iżda għalkemm għad m’għandux l-età biex isuq, huwa dilettant kbir tal-karozzi Bentley u Rolls-Royce….

Sajd

Idejh jafu jinsġu l-qasab għan-nases, anke b’għajnejh magħluqa. Bis-sengħa tan-nases fid-demm, Ġanni Xuereb, magħruf bħala Ġanni l-Pipi, illum jgħodd iktar minn 80 sena, u għadu ma telaqx in-namra max-xogħol tiegħu, …

Aktar