Partit Nazzjonalista
AĠĠORNAT: Kevin Cutajar magħżul b’mod unanimu biex jieħu post David Stellini fil-Parlament

L-Avukat Għawdxi Kevin Cutajar ser jieħu s-siġġu parlamentari ta’ David Stellini. Dan kien deċiż b’vot unanimu mill-Kumitat Eżekuttiv tal-Partit Nazzjonalista li ħadet aktar minn tliet sigħat. Dr Cutajar mistenni jieħu l-ġurament bħala Membru Parlamentari wara li titressaq mozzjoni fil-Parlament il-ġimgħa d-dieħla.

Fi tmiem il-laqgħa tal-Kumitat Eżekuttiv tal-Partit Nazzjonalista, Dr Kevin Cutajar deher sodisfatt li l-għażla tiegħu biex jiġi co-opted fil-Parlament kisbet l-appoġġ unanimu tal-Kumitat Eżekuttiv wara li fl-ewwel votazzjoni l-ġimgħa l-oħra kien hemm vot maqsum bejnu u Jean Pierre Debono.

Dr Kevin Cutajar qal “dan huwa privileġġ għalija li nista’ nservi l-poplu Malti però. Hija wkoll responsabilità. Dan mhuwiex punto di arrivo iżda punto di partenza u issa minn hawn ‘il quddiem inħarsu lejn il-ħidma li ser ikolli quddiemi issa bħala membru parlamentari u jien nista’ ngħid li dik ir-responsabilità ser nipprova nġorra u nsarrafha f’ġid għal dan il-poplu bil-ħila kollha u bl-abbiltajiet kollha tiegħi.”

Dr Cutajar li huwa nieqes mid-dawl, qal li bil-ħatra tiegħu, il-Partit Nazzjonalista bagħat messaġġ li jħares lejn l-abbiltajiet ta’ persuni bħalu.

Il-Kap tal-Partit Nazzjonalista Adrian Delia qal li fil-laqgħa tal-Eżekuttiv li damet tliet sigħat kien hemm diskussjoni u battibekki iżda qal li bl-atteġġjamenti tiegħu Dr Cutajar beda jġib l-għaqda fil-Partit Nazzjonalista.

Dr Adrian Delia qal “kien hemm argumenti differenti u pożizzjonijiet però Kevin qal li la kien hemm telliefa jew rebbieħa imma kien hemm tgħallimiet u naħseb it-tagħlima hi li meta partit jiddjaloga, jisma’ u jiddibatti jagħraf l-isfidi joħroġ it-tajjeb u rbaħna, rebaħ il-poplu Malti u Għawdxi u mill-ewwel ngħidlu li jien ma nħarisx lejh bħala persuna b’diżabiltà imma b’abbiltajiet, li waħda minnhom, li diġà beda jġib l-għaqda fil-PN”.

Dr Delia qal li l-Partit qed jaħdem biex jagħmel ir-riformi għax jagħraf id-diffikultajiet li għandu.

Aħbarijiet Oħra
Stejjer Umani

Huma ħafna l-Maltin li jkollhom seba’ mitt sena sakemm jasal is-sajf biex igawdu l-baħar u jqattgħu ġranet sħaħ jilagħqu x-xemx. Sa seba’ snin ilu, Fiona Sammut kienet waħda minnhom ….

Enerġija

Bil-limitazzjonijiet kbar tal-art għal solar farms, l-MCAST flimkien mal-Kunsill Nazzjonali tax-Xjenza u t-Teknologija qed ikompli jesperimenta dwar solar farms fil-baħar madwar Malta biex tiġi ġenerata l-enerġija mix-xemx. L-MCASTqal li dal-proġett…

Kronaka

Sid ta’ ħanut fil-Mosta qed jappella għall-informazzjoni wara li raġel illum waranofsinhar seraq mobile u ħarab jiġri. Fil-filmat, li nqabad minn kamera tas-sigurtà, jidher jidħol fil-ħanut dan ir-raġel. Ftit tal-ħin…

Lokali

Wara l-mewt traġika ta’ Jean Paul Bonnett kawża ta’ xokk elettriku waqt li kien qed jaħdem fuq karru għall-karnival, tħassru l-attivitajiet tal-karnival li kellhom isiru fi tmiem il-ġimgħa. Il-Ministeru għall-Ġustizzja,…

Aktar