Lokali
Jitneħħa l-periklu kkawżat mill-maltemp f’Għar Lapsi

Geplaatst door Phyllis Fenech op maandag 11 september 2017

Fi tmiem il-ġimgħa, il-maltemp kisser ix-xogħolijiet li saru fil-bidu tas-Sajf f’Għar Lapsi, tant li żviluppa xi periklu fil-bajja għall-għawwiema.

Ritratti u filmati li ċċirkolaw fuq is-siti soċjali juru li tkissru xi faċilitajiet li twaħħlu biex jagħmluha faċli għall-għawwiema jinżlu jgħumu, bil-konsegwenza li dawn inġarrew mill-mewġ li beda jħabbat bla heda mal-blat li jdawwar il-bajja fejn hemm l-għar.  Il-periklu wassal biex kien hemm xi persuni li weġġgħu minħabba l-ħsarat li saru bil-baħar qawwi li ħakem l-inħawi.

F’kummenti lil tvm.com.mt kelliem għall-Gvern qal li minħabba l-ħsarat li kkawża l-maltemp, l-infrastruttura li twaħħlet f’Għar Lapsi tneħħiet, minkejja li d-dannu huwa minimu.  Qal li t-twapet tneħħew bi prekawzjoni, biex ma tiżviluppax ħsara konsiderevoli li jwasslu biex l-isforzi li saru matul dan is-Sajf għat-tisbiħ taż-żona jispiċċaw fix-xejn.

Spjega kif hija proċedura normali li dawn jinqalgħu fix-xhur tax-Xitwa biex jinħażnu fil-workshops ta’ Pembroke u tal-Mellieħa.  Ix-xogħol sar minn ħaddiema tad-Direttorat ghat-Tindif is-Sibt u l-Ħadd li għadda.

Bhalissa l-ħaddiema tal-workshops tad-Direttorat għat-Tindif ikunu fuq allert biex jekk ikun hemm il-ħtieġa, tinqala’ l-infrastruttura li tista’ tkun ta’ periklu minħabba l-ħsarat bil-maltemp jew raġunijiet oħra.  Fil-fatt ilbieraħ tneħħew xi slielem u twapet minn mall-kosta ta’ San Ġiljan u tas-Sliema minħabba li kellhom ħsarat żgħar.  Matul ix-xhur tax-Xitwa, is-slielem kollha u l-bqija tal-infrastruttura tinqala’ kollha biex issir il-manutenzjoni.

Aħbarijiet Oħra
Lokali

L-istrapazz għal statwa waqt li tinġarr fuq l-ispalla f’jum il-festa, u l-varjazzjoni kbira tal-umdità fin-niċċa tagħha wasslu biex fix-xhur li għaddew saru interventi ta’ konservazzjoni fuq l-istatwa ta’ Santa Marija…

Lokali

Fi żmien tletin sena, mistennija jirduppjaw il-persuni bid-dimensja. Quddiem din l-isfida, il-Gvern waqqaf kumitat nazzjonali ta’ ħidma dwar id-dimensja. F’Malta hawn aktar minn 6,000 persuna li jbatu mill-kundizzjoni tad-dimensja. Dan…

Lokali

Il-Kamra tad-Deputati kellha dibattitu ta’ sagħtejn u nofs mingħajr ma ttieħed vot dwar it-titjib tas-servizzi tas-saħħa li ffoka fuq il-kuntratt tal-Gvern mal-VGH għat-tmexxija ta’ tliet sptarijiet tal-Gvern, tnejn f’Malta u…

Lokali

Erba’ spettakli, b’attivitajiet kulturali distinti, ser jimmarkaw il-bidu uffiċċjali tal-Belt Valletta bħala l-kapitali Ewropea tal-Kultura. It-tħejjijiet jinsabu fl-aqwa tagħhom għalkemm l-organizzaturi qegħdin iżommu pass lura u jħallu s-sorpriżi għas-Sibt li…

Aktar