Lokali
Jitnieda l-ewwel spazju internazzjonali ta’ Malta għall-Arti Kontemporanja MICAS

Beda proġett mid-Direttorat tar-Restawr fil-Fortifikazzjonijiet li jinkludu Ospizio r-Ritirata fil-Furjana li sal-2012 ser jinbidel f’dak li qed jissejjaħ l-Ispażju Internazzjonali Malti ta’ Arti Kontemporanja, MICAS.

Fit-tnedija tal-Proġett għal dan il-Mużew tal-Arti Kontemporanja, il-Ministru tal-Ġustizzja u l-Kultura Owen Bonnici qal li dal-proġett huwa parti mil-legat infrastrutturali għas-settur kulturali u artistiku. B’firxa ta’ aktar minn 1,300 metru kwadru MICAS se jseħħ permezz ta’ programm ta’ restawr tal-fortifikazzjonijiet storiċi b’investiment mil-fondi nazzjonali u Istat u b’kofinanzjament mil-Fond Ewropew għall-Iżvilupp Reġjonali.

Il-Ministru Bonnici qal li dan se jkollu sehem importanti għall-iżvilupp kulturali ta’ Malta fuq livell dinji b’mod li jgħaqqad il-komunitajiet u l-udjenzi filwaqt li jippromwovi l-internazzjonalità u d-diplomazija kulturali.

Iċ-Chairperson tal-Bord ta’ Kordinazzjoni ta’ proġetti kulturali, Phyllis Muscat, qalet li l-MICAS se jservi ta’ pjattaforma għall-arti u l-kultura viżiva. Qalet li dan il-proġett ilu l-ħolma ta’ artisti kontemporanji. Hija spjegat li d-disinn tal-gallariji interni ta’ MICAS qed isir minn kumpanija ibbażata f’Firenze b’rispett lejn l-element storiku ta’ dan is-sit.

L-Ambaxxatur kulturali għal Malta, Francis Sultana, qal li l-MICAS se jiftaħ il-bibien tiegħu fl-2021. Ħabbar li l-ewwel artist ta’ fama internazzjonali li se jikkollabora mal-programm internazzjonali ta’ MICAS hu Ugo Rondinione, artist ibbażat fi New York li bħalissa qed jaħdem fuq serje ta’ installazzjonijiet fosthom wirja awdjoviżiva tal-istorja tal-Ospizio.

Francis Sultana, Ambaxxatur Kulturali għal Malta qal li “mużewijiet bħal dawn jeżistu f’postijiet bħal Londra, New York, Pariġi, u ħa ngħaqdu wkoll ma’ mużewijiet oħra biex nagħmlu exhibitions ma’ xulxin, nibnu pontijiet bejnietna f’pajjiżna u jkollna platform ukoll għall-artisti tagħna ta’ Malta, biex ikollhom a global presence.”

Is-Segretarju Parlamentari Deo Debattista, qal li dan l-ispażju se jkompli jimbotta lill-artisti Maltin biex jesponu t-talent u l-impenn tagħhom u b’hekk Malta tkompli tispikka fuq il-palk kulturali globali.

Aħbarijiet Oħra
Immigrazzjoni

164 pajjiż fosthom Malta iffirmaw dak li qed jissejjaħ Patt Globali dwar l-Immigrazzjoni Ordnata u Regolari. Waqt ċerimonja f’Marrakech fil-Marokk, intqal li dan il-patt se jwassal għall-immaniġġjar aħjar tal-migrazzjoni f’tentattiv…

Lokali

L-iskart organiku li beda jinġabar fl-aħħar xahar u nofs diġà qed jiġġenera l-enerġija daqskemm tintuża minn aktar minn 6,000 familja. Il-Kap Eżekuttiv tal-Wasteserv David Borg qal lil TVM li l-iskema…

Lokali

L-Awditur Ġenerali innota li t-tisħiħ fil-liġi tal-volontarjat li saru din is-sena għandhom isaħħu jdejn il-Kummissarju tal-Volontarjat fil-funzjoni regolatorja u l-governanza fis-settur tal-volontarjat. F’rapport li ppreżenta lill-Parlament, l-Awditur Generali Charles Deguara…

Lokali

Għalkemm qed ngħixu f’dinja li saret raħal u miżgħud b’mezzi teknoloġiċi, qed tikber il-pjaga tas-solitudni u magħha l-esklużjoni soċjali. Il-problema tinħass fil-faxex kollha tas-soċjetà, mit-tfal sal-anzjani u taf tiggrava fiż-żminijiet…

Aktar