Xogħol
Jitnieda l-Premju Nazzjonali Ħaddiema tas-Sena

Il-Premju Ħaddiema tas-Sena ser ikun imqassam fi 8 kategoriji għax għall-ewwel darba din is-sena ngħatat importanza wkoll lill-kumpaniji li jippromwovu r-responsabbiltà soċjali. Dan intqal filwaqt li l-Ministru Edward Zammit Lewis nieda l-edizzjoni tal-Premju Nazzjonali Ħaddiema tas-sena 2019.

Il-Premju Nazzjonali Ħaddiema tas-Sena, din is-sena ser jirrikonoxxi l-iktar kumpanija li tippromwovi r-responsabbiltà soċjali permezz ta’ inizjattivi li jpoġġu l-ħarsien soċjali fiċ-ċentru tal-kumpanija. Il-Premju Nazzjonali tal-Ħaddiema ser jirrikonoxxi wkoll il-ħidma ta’ Ħaddiem Mudell tas-Sena, Maniġer tas-Sena, Employer tas-Sena, Tim tas-Sena, l-iktar kumpaniji li jippromwovu l-ugwaljanza, u l-bilanċ bejn il-ħajja privata u x-xogħol. Minn dawn il-kategoriji kollha jew skont l-għażla tal-bord tintagħżel il-persuna li ser tingħata l-Premju Nazzjonali Ħaddiema tas-Sena 2019.

Iċ-Chairperson tal-Premju Ħaddiema tas-Sena, Angela Agius qalet ”mas-seba’ li kellna ser ikollna kategorija oħra li tippromwovi kumpanija li tippromwovi r-responsabbiltà soċjali. Kemm huwa sabiħ li jkunu soċjali fil-ħajja tagħna u allura din hija kategorija li ntegrajna mal-oħrajn biex finalment ikollna tmienja. Il-Premju Ħaddiema tas-Sena jippremja l-bżulija, lil min iħaddem u allura din hija xi ħaġa.”

Il-Minsitru Edward Zammit Lewis qal li l-Premju Nazzjonali Ħaddiema tas-Sena jirrikonxxi d-dinjità ta’ kategoriji differenti ta’ ħaddiema.

”Il-ħaddiem trid ittih id-dinjità tiegħu li fil-post tax-xogħol, inħarsu s-sigurtà tiegħu u l-kundizzjonijiet tiegħu però min jimpjega huwa ħaddiem ukoll u allura hemm premji immirati għal min jippromwovii aktar dinjità tal-ħaddiem, issues importanti fejn jidħol il-ġeneru u affarijiet oħra però t-tifsira dejjem tiġġedded.”

Ġurija magħżula indipendenti ser tiddetermina l-lista finali wara proċess trasparenti u imparzjali. Il-Premju Ħaddiema tas-Sena jsir taħt il-patronċinju tal-President ta’ Malta George Vella bl-applikazzjoni ser jinfetħu nhar it-Tnejn.

Aħbarijiet Oħra
COVID-19

Il-Union tal-Infermiera u l-Qwiebel (MUMN) sfidat lill-Prim Ministru sabiex jippublika l-istrateġija li biha qed jillaxka r-restrizzjonijiet li ttieħdu mis-Supretendent tas-Saħħa Pubblika minħabba l-imxija tal-Covid-19. Fi stqarrija l-MUMN qalet li qed…

Safar

L-Assoċjazzjoni Maltija tal-lukandi u r-ristoranti (MHRA) laqgħet id-deċiżjoni tal-Gvern li jiftaħ mill-ġdid l-ajruport għalkemm tibqa’ żżomm mal-pożizzjoni tagħha li kien ikun aħjar għas-settur turistiku li kieku l-ajruport jiftaħ fil-15 ta’…

COVID-19

L-Assoċjazzjoni Medika Maltija (MAM) qed tħeġġeġ lill-pubbliku sabiex ikun iddixiplinat u jsegwi l-pariri tal-esperti mediċi biss. Fi stqarrrija l-MAM esprimiet tħassib dwar il-proposti tal-Prim Ministru li qalet huma mingħajr bażi…

Aktar