Għawdex
Jitnieda servizz ta’ emerġenza ġdid f’Għawdex

F’Għawdex tnieda servizz ta’ emerġenza ġdid għall-pubbliku li se jopera wara l-ħinijiet tal-uffiċċju, fi tmiem il-ġimgħa kif ukoll fil-btajjel pubbliċi. Dan is-servizz, li beda fuq inizjattiva tal-fergħa Għawdxija tal-Fondazzjoni għal Servizzi ta’ Ħarsien Soċjali se jingħata mill-Ħaddiema Soċjali u ħaddiema oħrajn ta’ din l-entità.

Għalkemm Għawdex huwa magħruf għat-trankwillita tiegħu, bl-ebda mod ma jfisser li din il-gżira tgawdi l-immunità għall-każi jew diffikultajiet soċjali. Kif qalet Doreen Camilleri, Senior Service Leader tal-fergħa Għawdxija tal-Fondazzjoni għal Servizzi ta’ Ħarsien Soċjali, is-servizz ta’ emerġenza li beda xagħrejn ilu diġà jidher li mela vojt li kien ilu jinħass.

Doreen qalet “waqqafna dan is-servizz biex nassistu f’każi ta’ emerġenza, f’kazi ta’ vjolenza domestika, xi ħadd li jsib ruħu bla saqaf fuq rasu, f’każi ta’ minuri li jispiċċaw li għandhom bżonn xi ħadd jieħu ħsiebhom u każi oħra ta’ emerġenza.”

Is-servizz Emergency Call fuq in-numru 9955 7069, jingħata mill-4pm sas-7am mit-Tnejn sal-Ħadd, mis-social workers u ħaddiema tal-Fondazzjoni għal Servizzi ta’ Ħarsien Soċjali.

Doreen Camilleri qalet “ġieli nkunu msejħa biex noħorġu, għax mhux fuq telefonati biss, pereżempju f’każi ta’ vjolenza domestika u mmorru mal-pulizija, biex naraw xi tkun l-emerġenza, speċjalment meta jkun hemm nisa u tfal li jkollhom bżonn l-għajnuna”.

Is-servizz Emergency Call f’Għawdex huwa ħolqa oħra f’sensiela ta’ servizzi personalizzati li l-Fondazzjoni għal Ħarsien Soċjali qed tipprovdi fil-komunità.

Aħbarijiet Oħra
Lokali

“Għajnu Aħmar it-Tonn” jew “It-Tonn tal-Melliħin” kienet l-għajta tas-sajjieda Melliħin li sal-bidu tas-sittinijiet kienu jbiegħu t-tonn li jaqbdu bit-Tunnara. Is-sajd bit-tunnara nqata’ iżda fil-mużew tat-Tunnara fil-bajja tal-Mellieħa, għaqda volontarja Melliħija ikkonservat…

Pulizija

Fl-aħħar xahrejn, l-uċuħ ta’ erba’ Pulizija saru familjari mal-komunità tal-Mellieħa. Ir-residenti laqgħuhom u jqisuhom “ta’ ġewwa”. Dawn l-erba’ uffiċċjali jiffurmaw l-ewwel Community Policing Team fi proġett pilota mniedi mill-Korp. Intervistat…

Malta

Fil-Greċja, hemm madwar 3,500 persuna b’konnessjonijiet Maltin, il-maġġoranza f’Korfu fejn jgħixu Griegi b’nisel Malti li saħansitra jwasslu sar-raba’ u l-ħames ġenerazzjoni. Waqt żjara fil-Greċja, il-President George Vella ltaqa’ ma’ rappreżentanti…

Kisbiet

Imwieled Malta u emigra lejn l-Awstralja 44 sena ilu wara li gradwa mill-Università ta’ Malta dak iż-żmien kienet magħrufa bħala The Royal University of Malta. F’intervista ma’ TVM, il-Professur Stephen…

Aktar