Barranin
Jitolbuh kumpens ta’ eluf ta’ ewro, Salvini jweġibhom li “ħaqqhom biss ċikkulatina”

Uħud mill-immigranti li kienu abbord id-dgħajsa Diciotti qed ifittxu għad-danni lill-Gvern Taljan talli baqgħu bejn sema u ilma għal diversi jiem jistennew l-eżitu tal-kwistjoni li nqalgħet fis-Sajf li għadda.

41 immigrant, fosthom minuri, qed jitolbu lill-Prim Ministru Taljan Giuseppe Conte u lid-Deputat Prim Ministru u Ministru tal-Intern Matteo Salvini biex jagħtuhom kumpens ta’ bejn €42,000 u €71,000.

Ir-rikors fil-Qorti ta’ Ruma kien ippreżentat minn ditta tal-avukati f’isem l-immigranti li jidher li ġħenet lill-immigranti biex ikunu jistgħu jiftħu kawża wkoll fil-Qorti Ewropea tad-Drittijiet tal-Bniedem fi Strasbourg.

Malli sar jaf bil-kawża, Salvini rreaġixxa mill-ewwel u qal lill-immigranti biex ma jgħaddux lit-Taljani biż-żmien meta ra li 16 minnhom twieldu fl-1 ta’ Jannar. Żied jgħid li kulma ħaqqhom huwa biss Bacio Perugina (ċikkulatina).

Aħbarijiet Oħra
Barranin

Fir-Renju Unit bdiet it-tellieqa għall-mexxej tal-Partit Konservattiv li jmiss, wara li lbieraħ, Theresa May ħabbret li se tirriżenja x-xahar id-dieħel. Din l-elezzjoni mhux se tirriżulta biss f’mexxej ġdid tal-partit, imma…

Barranin

Mill-inqas 8 persuni ndarbu wara li pakkett suspettat b’bomba sploda fiċ-ċentru tal-belt Franċiża ta’ Lyon. Lyon hi t-tielet l-ikbar belt fi Franza. Il-Pulizija ssiġillaw ix-xena tal-inċident u bħalissa fuq il-post…

Unjoni Ewropea

Wara li lbieraħ bdew jivvutaw l-Ingliżi u l-Olandiżi, illum kien imiss lill-Irlandiżi u ċ-Ċeki biex joħorġu jivvutaw biex jaħtru d-deputati Ewroparlamentari. Fir-Repubblika Ċeka l-votazzjoni maqsuma fuq jumejn bil-għan li t-turnout…

Barranin

Is-sajf fl-Italja mistenni jkun ikkaratterizzat minn temp estrem, b’perjodu ta’ nixfa u xita qalila. L-esperti tat-temp fl-Italja ltaqgħu dan l-aħħar f’Ruma u qed ibassru li l-istaġun sajfi se jkun kemmxejn…

Aktar