Qorti
Jitqiegħdu formalment taħt att ta’ akkuża l-irġiel mixlija bil-qtil ta’ DCG

L-Avukat Ġenerali ressaq formalment l-akkużi kontra t-tliet irġiel li huma mixlija bil-qtil ta’ Daphne Caruana Galizia li nqatlet b’karozza bomba fil-Bidnija, sewwasew bħal lum 21 xahar.

L-att ta’ akkuża fil-konfront ta’ Vince Muscat, George Degiorgio u Alfred Degiorgio ġie ppreżentat lill-Qorti u lill-akkużati dalgħodu wara li l-kumpilazzjoni tax-xhieda kontrihom ilha għaddejja minn Diċembru tal-2017. F’dan l-istadju ifisser li hemm biżżejjed provi biex it-tliet irġiel jgħaddu ġuri.

Huma jinsabu akkużati li għamlu bomba u splodew fil-karozza tas-sinjura Caruana Galizia fis-16 October tal-2017. Il-Qorti dejjem ċaħdet it-talbiet tal-avukati difensuri tagħhom għall-ħelsien mill-arrest.

Aħbarijiet Oħra
Ambjent

Il-Wasteserv bdiet il-proċess biex tkabbar il-faċilitajiet tagħha fil-Magħtab. Madwar għoxrin bidwi fl-inħawi li bejniethom għandhom madwar 250,000 metru kwadru ta’ raba’ ġew infurmati li l-Wasteserv qed tikkunsidra li tespropja din…

Kronaka

Raġel ta’ nazzjonalità barranija ġie arrestat wara li allegatament saq fuq uffiċjal tal-pulizija. L-inċident seħħ għall-ħabta tas-17:30 fl-akkwati ta’ Buġibba u ġie arrestat ftit tal-ħin wara fil-Mellieħa. Aktar dettalji fil-ħin…

Lokali

Il-kumpanija Steward Health Care Malta ppreżentat lill-Awtorita tal-Ippjanar applikazzjoni ta’ żvilupp għall-Isptar San Luqa biex fi kliemha jerġa’ jingħata l-ħajja bħala sptar modern li jinkludi aċċessibiltà aħjar għall-ispazji miftuħin u…

Għawdex

Għadha attiva ħafna fuq l-aġenda tal-gvern l-idea li Malta jkollha sistema ta’ metro, tant li l-Ministru Ian Borg ikkonferma ma’ TVM li l-istudju dwar dan jinsab fl-aħħar fażi tiegħu u…

Aktar