Qorti
Jitressqu 2 irġiel u mara b’rabta ma’ traffikar ta’ droga u ċirkolazzjoni ta’ flus foloz

B’rabta mad-diversi rejds li saru f’residenzi fil-Madliena u f’San Pawl il-Baħar, ġew arrestati raġel ta’ 29 sena residenti l-Qawra u ieħor ta’ 66 sena bla residenza fissa flimkien ma’ tfajla ta’ 30 sena residenti f’Bormla.

Fit-tfittxijiet, instabu ammonti tad-droga tal-kannabis, kokaina, imwieżen elettroniċi, flus foloz u arma tan-nar mhux liċenzjata.

Mill-investigazzjonijiet jidher li l-ġuvni ta’ 29 sena kien il-moħħ wara t-traffikar tad-droga eroina u kokaina f’diversi lokalitajiet.

Ir-raġel ta’ 66 sena u t-tfajla ta’ 30 sena mistennija jitressqu b’arrest illum quddiem il-Maġistrat tal-Għassa C. Galea.

Il-ġuvni ta’ 29 sena qed jiġi akkużat bi traffikar u pussess tad-droga kokaina, eroina u l-kannabis, li kkaġuna feriti gravi fuq terzi persuni, li kellu fil-pussess tiegħu arma tan-nar u li qiegħed fiċ-ċirkolazzjoni flus foloz. Il-ġuvni qed jiġi akkużat ukoll li kiser il-kundizzjonijiet ta’ libertà proviżorja.

Ara wkoll:

ESKLUSSIVA: 3 Maltin arrestati u tfittxija f’residenza b’rabta mar-rejds riċenti tad-droga

Aħbarijiet Oħra
Kronaka

Kmieni dalgħodu seħħet ħabta frontali bejn mutur u trakk f’Ħal Qormi li ħalliet sewwieq ta’ mutur midrub. L-inċident seħħ fi Triq il-Ħammieri fis-7.30am li fih kienu nvoluti sewwieq ta’ mutur…

Elezzjoni

Ir-Renju Unit u l-Olanda huma l-ewwel pajjiżi li bdew jivvutaw fl-elezzjonijiet tal-Parlament Ewropew. Se jkunu kważi 427 miljun ċittadin tat-28 pajjiż tal-Unjoni Ewropea (UE) li se jivvutaw bejn illum u…

Elezzjoni

F’attività oħra fil-Fgura l-Erbgħa tard filgħaxija, il-Mexxej Laburista rrefera għad-dibattitu bejnu u bejn il-Kap tal-Oppożizzjoni u qal li matulu Adrian Delia kkonferma kemm il-Partit Nazzjonalista tilef lilu nnifsu. Fost affarijiet…

Aktar