Kultura
Jittella’ l-ewwel festival tal-films Indjani b’taħlita ma’ produzzjonijiet Maltin

Fil-Kavallier ta’ San Ġakbu sa nhar il-Ħadd ser jittella’ l-ewwel festival tal-films Indjani b’taħlita ma’ produzzjonijiet Maltin. Fil-festival ser jintwerew 26 film, 20 minnhom Indjani li minnhom ser jintgħażel l-aħjar film. Wieħed mill-ġurija ser ikun id-Direttur u scriptwriter Vijay Krishna Acharya li jgawdi fama internazzjonali.

Vijay Krishna Acharya li huwa direttur u scriptwriter rinomat internazzjonalment speċjalment fix-xena tal-films Indjani fl-aħħar sentejn qatta’ diversi xhur f’Malta jiġbed xeni għall-produzzjoni tiegħu Thugs of Hindostan. Ħafna mix-xeni nġibdu fir-Rinella. Qal li f’Malta sab l-esperjeza u l-għarfien li kien jeħtieġ biex jinbnew ix-xwieni.

Vijay Krishna Acharya  qal “what we needed a water tank and place to build the ships. The film is in a time when India was rules by company in the 18th and 19th century. The film is a fictional landscape but the historical period is quite correct.”

Vijay Krishna Acharya qal li l-film huwa avventura li seħħet meta l-Ingliżi kienu qed jokkupaw l-Indja.

Mistoqsi kif kienet l-esperjeza tiegħu f’Malta qal li jħossu jista’ jgħix hawn.

Vijay Krishna Acharya qal “I could live in Malta. I feel very much at home, between Christmas 2016 and May 2017 I have been four times”.

Id-Direttur Krishna Acharya li ser ikun fil-ġurija fil-festival qal li jħossu kburi li jerġa’ jinsab Malta.

Vijay Krishna Acharya qal “I am very excited to be part of the jury of the Malta India Film Festival. It something that can bring both these nations closer together and start a cultural exchange which is international.”

Krishna Acharya qal li l-livell tal-festival huwa wieħed għoli ħafna kemm fil-produzzjonijiet Indjani kif ukoll Maltin iżda huwa ser ifittex storja li hija rakkontanta tajba u li tqanqal l-emozzjonijiet f’dawk li ser jaraw il-films.

Vijay Krishna Acharya qal “a story well told and that evokes emotions in you that is the universal aspect that we look at.”

Fil-festival ser jintwerew 26 film li 20 minnhom huma produzzjonijiet Indjani u sitta Maltin. Il-Festival Malta Indian Films li qed jittella’ taħt id-Direzzjoni ta’ Engelbert Grech ser jinżamm fil-Kavallier ta’ San Ġakbu bejn is-Sibt u l-Ħadd.

Aħbarijiet Oħra
Lokali

Il-gvern ħabbar il-ftuħ tal-istaġun tal-insib tal-ħarifa għal żewġ speċi: il-pluviera u l-malvizz. Fi stqarrija tas-Segretarjat Parlamentari għall-Biedja, Sajd u Drittijiet tal-Annimali ntqal li wara li evalwa r-rakkomandazzjonijiet tal-kumitat Ornis, l-istaġun…

Sport

Fit-tielet logħba tagħhom fil-Kampjonat tal-Amateurs, it-tim ta’ Syria Gżira FC kiseb l-ewwel rebħa bl-iskor ta’ 3-1 kontra Fleur De Lys FC. Il-player Lucky Chizobor skurja żewġ gowls filwaqt li Julius…

Saħħa

Ilbieraħ filgħaxija għadd ta’ nies nġabru quddiem iċ-Ċentru Esplora fil-Kalkara għal mixja simbolika bħala parti mix-xahar iddedikat għall-għarfien dwar il-kanċer tas-sider, magħruf bħala Pink October. Din is-sena n-nisa u l-irġiel…

Lokali

L-invażjoni Torka fit-Tramuntana tas-Sirja ġiet ikkundannata mill-komunità Kurda f’Malta li bl-appoġġ tal-Moviment Graffitti organizzaw manifestazzjoni paċifika quddiem l-Ambaxxata Torka fil-Floriana. Huma kkundannaw dak li sejħu bħala assalt brutali u mingħajr…

Aktar